ಐಪಿಎಲ್ ಕ್ವಾಲಿಫೈಯರ್ 1 ಫೈಟ್: ಮುಂಬೈ ಮಣಿಸೋಕೆ ಡೆಲ್ಲಿ ಸಜ್ಜು

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಸೀಸನ್​ 13ರ ಐಪಿಎಲ್​ ಟೂರ್ನಿ ರೋಚಕ ಘಟ್ಟ ತಲುಪಿದೆ. ನಾಲ್ಕು ತಂಡಗಳು ಪ್ಲೇ ಆಫ್​ಗೆ ಎಂಟ್ರಿಕೊಟ್ಟಿವೆ. ಇಂದು ಅಂಕಪಟ್ಟಿಯಲ್ಲಿ ಮೊದಲೆರಡು ಸ್ಥಾನದಲ್ಲಿರುವ ಮುಂಬೈ ಇಂಡಿಯನ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ಮೊದಲ ಕ್ವಾಲಿಫೈಯರ್​ನಲ್ಲಿ ಹೋರಾಡಲಿವೆ.

ಗೆದ್ದ ತಂಡ ನೇರವಾಗಿ ಫೈನಲ್​ಗೆ ಹೋಗುತ್ತೆ ಸೋತ ತಂಡ ಎಲಿಮಿನೇಟರ್​ ಪಂದ್ಯದಲ್ಲೆ ಗೆಲ್ಲುವ ತಂಡದ ವಿರುದ್ಧ ಗೆದ್ದು ಫೈನಲ್​ಗೆ ಬರಬೇಕು. ಇಂದು ದುಬೈ ಅಂಗಳದಲ್ಲಿ ಡೆಲ್ಲಿ ಮತ್ತು ಮುಂಬೈ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ನಡೆಯಲಿದೆ.

ಮೇಲ್ನೋಟಕ್ಕೆ ಬಲಿಷ್ಠವಾಗಿ ಕಾಣುವ ಡೆಲ್ಲಿ ಕ್ಯಾಪಿಟಲ್ಸ್​ ಮುಂಬೈ ಇಂಡಿಯನ್ಸ್​ ತಂಡವನ್ನ ಸವಾರಿ ಮಾಡುತ್ತೇ ಎಂದು ಹೇಳಲು ಅಸಾಧ್ಯ ಯಾಕಂದ್ರೆ ಮುಂಬೈ ಇಂಡಿಯನ್ಸ್​ ಇದುವರೆಗಿನ ಕ್ವಾಲಿಫೈಯರ್​ ಸುತ್ತಿನಲ್ಲಿ5 ಬಾರಿ ಗೆದ್ದ ಇತಿಹಾಸವನ್ನ ಹೊಂದಿದೆ.

ಇನ್ನು ಡೆಲ್ಲಿ ತಂಡ ಮೊನ್ನೆ ನಡೆದ ಲೀಗ್​ನಲ್ಲಿ ಸತತ ನಾಲ್ಕು ಪಂದ್ಯಗಳನ್ನ ಸೋತು  ನಂತರ ಆರ್​ಸಿಬಿ ವಿರುದ್ಧ ಗೆದ್ದು  ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿದೆ. ಐಪಿಎಲ್​ನಲ್ಲಿ ಇದುವರೆಗೂ ಮುಂಬೈ ಮತ್ತು ಡೆಲ್ಲಿ 26 ಬಾರಿ ಮುಖಾಮುಖಿಯಾಗಿವೆ.  ಇದರಲ್ಲಿ 14  ಬಾರಿ ಮುಂಬೈ ಗೆದ್ರೆ 12 ಬಾರಿ ಡೆಲ್ಲಿ ಗೆದ್ದಿದೆ. ಇಂದಿನ ಪಂದ್ಯ ದುಬೈನಲ್ಲಿ ನಡೆಯುತ್ತೆ. ದುಬೈ ಅಂಗಳ ಬೌಲರ್ಸ್​ಗಳ ಪಾಲಿಗೆ ಸ್ವರ್ಗವಿದ್ದಂತೆ. ಇಂದಿನ ಪಂದ್ಯದಲ್ಲಿ ಉಭಯ ತಂಡಗಳ ಬೌಲರ್ಸ್​ಗಳೇ ಗೇಮ್​ ಚೇಂಜರ್ಸ್​.

ಡೆಲ್ಲಿ ತಂಡದಲ್ಲಿ ಕಗಿಸೊ ರಬಾಡ ಮತ್ತು  ಹೆನ್ರಿ ​ ನಾರ್ಟ್ಜೆ ಪ್ರಮುಖ ಬೌಲರ್ಸ್​ಗಳಾದ್ರೆ  ಮುಂಬೈ ಇಂಡಿಯನ್ಸ್​ ತಂಡದಲ್ಲಿ  ಜಸ್​ಪ್ರೀತ್​ ಬೂಮ್ರಾ ಮತ್ತು  ಟ್ರೆಂಟ್​ ಬೌಲ್ಟ್​  ಮುಂಬೈ ತಂಡದ ಬ್ರಹ್ಮಾಸ್ತ್ರಗಳಾಗಿದ್ದಾರೆ. ಒಟ್ಟಾರೆ ದುಬೈ ಅಂಗಳದಲ್ಲಿ ನಡೆಯುವ ಮೊದಲ ಕ್ವಾಲಿಫೈಯರ್​ ಪಂದ್ಯ ಕ್ರಿಕೆಟ್​ ಅಭಿಮಾನಿಗಳನ್ನ ತುದಿಗಾಲಲ್ಲಿ ನಿಲ್ಲಿಸಿದೆ.