ಎಬಿಡಿ ಅಬ್ಬರ: ರಾಜಸ್ಥಾನ ವಿರುದ್ಧ ಆರ್​ಸಿಬಿಗೆ ‘ರಾಯಲ್’ ಗೆಲುವು

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ಮಿಸ್ಟರ್​ 360 ಎಬಿಡಿ ವಿಲಿಯರ್ಸ್​ ಅವರ ಸ್ಪೋಟಕ ಬ್ಯಾಟಿಂಗ್​ ನೆರವಿನಿಂದ ಆರ್​ಸಿಬಿ ತಂಡ ರಾಜಸ್ತಾನ ರಾಯಲ್ಸ್​ ವಿರುದ್ಧ 7 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲಿಸಿದೆ.

ದುಬೈ ಅಂಗಳದಲ್ಲಿ ನಡೆದ ಹೈವೋಲ್ಟೇಜ್​ ಪಂದ್ಯದಲ್ಲಿ 178 ರನ್​ ಚೇಸ್​ ಮಾಡಿದ ಆರ್​ಸಿಬಿ ಗೆಲುವಿನ ಕೇಕೆ ಹಾಕಿದೆ. ಬಿರುಗಾಳಿಯಂತೆ ಅಬ್ಬರಿಸಿದ ಮಿಸ್ಟರ್​ 360 ಎಬಿಡಿ ವಿಲಿಯರ್ಸ್​ ರಾಜಸ್ಥಾನ ಬೌಲರ್ಸ್​ಗಳನ್ನ ಮನಬಂದಂತೆ ಚೆಂಡಾಡಿ ಕೇವಲ 22 ಎಸೆತದಲ್ಲಿ  1 ಬೌಂಡರಿ ಹಾಗೂ 6 ಸಿಕ್ಸರ್​ ಸಿಡಿಸಿ ಒಟ್ಟು 55 ರನ್​ ಗಳಿಸಿದ್ರು. ನಾಯಕ ವಿರಾಟ್​ ಕೊಹ್ಲಿ  43,ದೇವದತ್​ ಪಡೀಕಲ್​ 35, ಆ್ಯರಾನ್​ ಫಿಂಚ್​ 14 ರನ್​ ಗಳಿಸಿದ್ರು.

ಇದಕ್ಕೂ ಮುನ್ನ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಮಾಡಿದ ರಾಜಸ್ತಾನ ರಾಯಲ್ಸ್​ ನಾಯಕ ಸ್ಟೀವ್​​ ಸ್ಮಿತ್​ 57, ಕನ್ನಡಿಗ ರಾಬಿನ್​ ಉತ್ತಪ್ಪ 41,ಜೋಸ್​ ಬಟ್ಲರ್​ 24 ರನ್​ ಗಳ ನೆರವಿನಿಂದ ರಾಜಸ್ಥಾನ  ರಾಯಲ್ಸ್​ 177 ರನ್​ ಗಳಿಸಿತು.

ರಾಯಲ್ಸ್​ ವಿರುದ್ಧ ಬೊಂಬಾಟ್​ ಬೌಲಿಂಗ್​ ಮಾಡಿದ ಕ್ರಿಸ್​ ಮಾರಿಸ್​ 4 ವಿಕೆಟ್​ ಪಡೆದು ಮಿಂಚಿದ್ರು.ಟೂರ್ನಿಯಲ್ಲಿ ಆರನೇ ಗೆಲುವು ದಾಖಲಿಸಿದ ಆರ್​ಸಿಬಿ ಪ್ಲೇ ಆಫ್​ ಸನಿಹಕ್ಕೆ ಸಾಗಿದೆ.