ಯೋಗದಿಂದ ಕ್ರಿಕೆಟ್​ನತ್ತ ಪತಂಜಲಿ: ಐಪಿಎಲ್ ಬಿಡ್ಡಿಂಗ್​ನತ್ತ ರಾಮ್​ದೇವ್ ಚಿತ್ತ

ರೈಸಿಂಗ್ ಕನ್ನಡ :

ನವದೆಹಲಿ:

ಪ್ರಾಯೋಜತ್ವದಿಂದ ಚೀನಾ ಕಂಪೆನಿ ಹೊರ ಬಿದ್ದ ಬೆನಲ್ಲೆ ಕಲ್ಲರ್​ಫುಲ್ ಟೂರ್ನಿಗೆ ಯೋಗ ಗುರು ಗುರು ರಾಮದೇವ್ ಅವರ ಪತಂಜಲಿ ಆಯುರ್ವೇದ ಐಪಿಎಲ್ ಟೈಟಲ್ ಪ್ರಾಯೋಜತ್ವ ಕೊಡಲು ಮುಂದೆ ಬಂದಿದೆ.ಇದರೊಂದಿಗೆ ಮಿಲಿಯನ್​ ಡಾಲರ್​ ಟೂರ್ನಿಗೆ ದೇಸಿ ಸಂಸ್ಥೆ ಪ್ರಾಯೋಜತ್ವ ನೀಡಲು ಮುಂದಾಗಿದೆ.

ಈ ಬಗ್ಗೆ ಸ್ವತಃ ಪತಂಜಲಿ ಸಂಸ್ಥಯ ಎಸ್​ಕೆ ತಿಜರ್​ವಾಲಾ, ನಾವು ಈ ವರ್ಷ ಐಪಿಎಲ್​ ಪ್ರಾಯೋಜತ್ವವನ್ನ ವಹಿಸಿಕೊಳ್ಳಬೇಕೆಂದಿದ್ದೇವೆ. ಪತಂಜಲಿ ಬ್ರಾಂಡ್​ ಅನ್ನ ಜಾಗತಿಕ ಮಾರುಕಟ್ಟಗೆ ಕೊಡಬೇಕಿದೆ. ಬಿಸಿಸಿಐಗೆ ಈ ಪ್ರಸ್ತಾವನೆಯನ್ನ ಕಳುಹಿಸಲಿದ್ದೇವೆ ಎಂದಿದ್ದಾರೆ.

ಚೀನಾ ಪ್ರಾಯೋಜತ್ವ ಬದಲು ರಾಷ್ಟ್ರಮಟ್ಟದ ಬ್ರಾಂಡ್​ವೊಂದು ಐಪಿಎಲ್​ನ ಪ್ರಾಯೋಜತ್ವ ವಹಿಸಿಕೊಂಡರೆ ಸ್ಟಾರ್ ಪವರ್ ಇರುವುದಿಲ್ಲ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಐಪಿಎಲ್ ದೊಡ್ಡ ಮಟ್ಟದ ಟೂರ್ನಿ.

ಈ ಬಾರಿ ದೇಶದ ಹೊರಗೆ ಆಡುತ್ತಿರುವುದರಿಂದ ಜಾಹೀರಾತು ಮೂಲಕ ದೊಡ್ಡ ಮಟ್ಟದಲ್ಲಿ ಹಣವನ್ನ ಪಡೆಯಬೇಕಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.