Featured
ಮತ್ತೆ ಭಾರತ-ಚೀನಾ ಯೋಧರ ಮುಖಾಮುಖಿ-ಪಾಕ್ ಸೈನಿಕರಿಂದಲೂ ಯುದ್ಧ ತಾಲೀಮು..!
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ಲಡಾಖ್ ಗಡಿ ನಿಯಂತ್ರಣ ರೇಖೆ ಬಳಿ ಚೀನಾ ಜೊತೆಗಿನ ಗುದ್ದಾಟದ ಬಳಿಕ ಭಾರತೀಯ ಯೋಧರು ಮತ್ತು ಚೀನಾ ಯೋಧರು ಮತ್ತೆ ಮುಖಾಮುಖಿಯಾಗಲಿದ್ದಾರೆ. ಈ ಬಾರಿ ಚೀನಾದ ಜೊತೆಗೆ ಪಾಕ್ ಸೈನಿಕರು ಕೂಡ ಇರಲಿದ್ದಾರೆ. ಅಂದಹಾಗೇ ಇದು ಯುದ್ಧವಲ್ಲ. ಬದಲಿಗೆ ಮುಂದಿನ ತಿಂಗಳು ರಷ್ಯಾದಲ್ಲಿ ನಡೆಯಲಿರುವ ಬಹುರಾಷ್ಟ್ರ ಮಿಲಿಟರಿ ಕವಾಯತ್ತಿನಲ್ಲಿ ಭಾರತ, ಚೀನಾ ಮತ್ತು ಪಾಕ್ ಯೋಧರು ಮುಖಾಮುಖಿಯಾಗಲಿದ್ದಾರೆ.
ಮುಂದಿನ ಸೆಪ್ಟಂಬರ್ 15ರಿಂದ 26ರವರೆಗೆ ರಷ್ಯಾದ ಅಸ್ತ್ರಾಖಾನ್ ಪ್ರದೇಶದಲ್ಲಿ ಕವ್ಕಾಚ್-2020 ನಡೆಯಲಿದೆ. ಈ ಬಹುರಾಷ್ಟ್ರ ಸೇನಾ ಕವಾಯತ್ತಿನಲ್ಲಿ ಭಾರತದ 3 ರಕ್ಷಣಾಪಡೆಗಳಿಂದ ಒಟ್ಟು 200ಕ್ಕೂ ಅಧಿಕ ಅಧಿಕಾರಿಗಳು ಮತ್ತು ಯೋಧರು ಭಾಗವಹಿಸಲಿದ್ದಾರೆ. ಚೀನಾ, ಪಾಕ್ ಯೋಧರ ಜೊತೆಗೆ ಭಾರತದ ಯೋಧರು ಕೂಡ ಯುದ್ಧ ತಾಲೀಮು ನಡೆಸಲಿದ್ದಾರೆ.
