ಮೆಲ್ಬೋರ್ನ್ ಗೆದ್ದ ಟೀಮ್ ಇಂಡಿಯಾ: ಸರಣಿ ಸಮಬಲ ಸಾಧಿಸಿದ ರಹಾನೆ ಪಡೆ

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​: 

ಮೆಲ್ಬೋರ್ನ್​ ಟೆಸ್ಟ್​ ಪಂದ್ಯದಲ್ಲಿ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಟೀಮ್​ ಇಂಡಿಯಾ ಭರ್ಜರಿ ಗೆಲುವು ದಾಖಲಿಸಿದೆ.

ಪಂದ್ಯ ಮುಗಿಯಲು ಇನ್ನು ಒಂದು ದಿನ ಬಾಕಿ ಇರುವಂತೆ ರಹಾನೆ ಪಡೆ ಗೆಲುವಿನ ಕೇಕೆ ಹಾಕಿ ಸರಣಿ ಸಮಬಲ ಮಾಡಿಕೊಂಡಿದೆ. ಮೂರನೇ ದಿನದಾಟದ ಪಂದ್ಯದಲ್ಲಿ  ಆಸ್ಟ್ರೇಲಿಯಾ ತಂಡ 6 ವಿಕೆಟ್​ ನಷ್ಟಕ್ಕೆ 133 ರನ್​ ಗಳಿಸಿತ್ತು, ನಾಲ್ಕನೆ ದಿನದಾಟದ ಪಂದ್ಯದಲ್ಲಿ  ಬ್ಯಾಟಿಂಗ್​ ಮುಂದುವರೆಸಿದ ಕಾಂಗರೂಗಳು 200 ರನ್​ಗಳಿಗೆ ಆಲೌಟ್​ ಆಯಿತು.

ಕ್ಯಾಮರಾನ್​ ಗ್ರೀನ್​ 45, ಪ್ಯಾಟ್​ ಕಮಿನ್ಸ್​ 22, ಮಿಚೆಲ್​ ಸ್ಟಾರ್ಕ್​ 14, ನಥಾನ್​ ಲಿಯಾನ್​ 3, ಜೋಶ್​ ಹೆಜ್ಲ್​ವುಡ್​ 10 ರನ್​ಗಳಿಸಿದ್ರು. ಭಾರತ ಪರ ಡೆಬ್ಯುಟೆಂಟ್​ ಮೊಹ್ಮದ್​ ಸಿರಾಜ್​ 3,ಬೂಮ್ರಾ, ಆರ್​.ಅಶ್ವಿನ್ ಮತ್ತು ರವೀಂದ್ರ ಜಡೇಜಾ ತಲಾ 2 ವಿಕೆಟ್​ ಪಡೆದ್ರು. ಉಮೇಶ್​ ಯಾದವ್ ಒಂದು ವಿಕೆಟ್​ ಪಡೆದ್ರು.

ಕೇವಲ 70 ರನ್​ಗಳ ಟಾರ್ಗೆಟ್ ಪಡೆದ ಟೀಮ್​ ಇಂಡಿಯಾ 8 ವಿಕೆಟ್​​ಗಳ ಗೆಲುವು ಸಾಧಿಸಿತು. ಓಪನರ್​ ಮಯಾಂಕ್​ ಅಗರ್​ವಾಲ್​ 5,ಚೇತೇಶ್ವರ ಪೂಜಾರ 3, ಶುಭಮನ್​ ಗಿಲ್​ ಅಜೇಯ 35,ನಾಯಕ ಅಜಿಂಕ್ಯ ರಹಾನೆ ಅಜೇಯ 27 ರನ್​ಗಳಿಸಿದ್ರು. ಮೊದಲ ಇನ್ನಿಂಗ್ಸ್​ ನಲ್ಲಿ ಶತಕ ಸಿಡಿಸಿದ  ನಾಯಕ ಅಜಿಂಕ್ಯ ರಹಾನೆ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ಸ್ಕೋರ್​ ವಿವರ

ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​ 195, ಎರಡನೇ ಇನ್ನಿಂಗ್ಸ್ 200

ಭಾರತ ಮೊದಲ ಇನ್ನಿಂಗ್ಸ್​ 326,ಎರಡನೇ ಇನ್ನಿಂಗ್ಸ್ 70/2