ಕೊನೆಗೂ ಗೆದ್ದು ಸಮಾಧಾನ ಪಟ್ಟ ಟೀಮ್ ಇಂಡಿಯಾ

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​:

ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯ (92) ಅವರ ಸ್ಪೋಟಕ ಬ್ಯಾಟಿಂಗ್​ ನೆರವಿನಿಂದ ಭಾರತ ತಂಡ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಮೂರನೇ ಮತ್ತು ಅಂತಿಮ ಏಕದಿನ ಪಂದ್ಯದಲ್ಲಿ ರೋಚಕ ಗೆಲುವು ದಾಖಲಿಸಿದೆ.

ಕೆನಬೆರಾ ಅಂಗಳದಲ್ಲಿ ಟಾಸ್​ ಗೆದ್ದ ಭಾರತ ತಂಡ ಬ್ಯಾಟಿಂಗ್​ ಆಯ್ದುಕೊಂಡಿತು. ಆರಂಭಿಕರಾಗಿ ಬಂದ ಶಿಖರ್​ ಧವನ್​ ಮತ್ತು  ಶುಭಮನ್​ ಗಿಲ್​ ಉತ್ತಮ ಆರಂಭ ಕೊಡುವಲ್ಲಿ ಎಡವಿದರು. ಧವನ್ 16 ರನ್ ಗಳಿಸಿ ಅಬೋಟ್​ಗೆ ವಿಕೆಟ್​ ಒಪ್ಪಿಸಿದ್ರೆ 33 ರನ್​ಗಳಿಸಿದ್ದ ಶುಭಮನ್​ ಗಿಲ್​ ಅಗಾರ್​ಗೆ ಬಲಿಯಾದ್ರು. ನಂತರ ಬಂದ ವಿರಾಟ್​ ಕೊಹ್ಲಿ  ತಾಳ್ಮೆಯ ಬ್ಯಾಟಿಂಗ್​ ಮಾಡಿದ್ರೆ ಇವರಿಗೆ ಶ್ರೇಯಸ್​ ಅಯ್ಯರ್​ ಮತ್ತು ಕನ್ನಡಿಗ ಕೆ.ಎಲ್​.ರಾಹುಲ್​ ಒಳ್ಳೆಯ ಸಾಥ್​ ಕೊಡಲಿಲ್ಲ. ವಿರಾಟ್​ ಕೊಹ್ಲಿ ಅರ್ಧ ಶತಕ ಸಿಡಿಸಿ ಹೆಜ್ಲ್​ವುಡ್​ಗೆ ಬಲಿಯಾದ್ರು.

ಕೆಳಕ್ರಮಾಂಕದಲ್ಲಿ ರವೀಂದ್ರ ಜಡೇಜಾ (66) ಮತ್ತು  ಹಾರ್ದಿಕ್​ ಪಾಂಡ್ಯ (92) ತಂಡಕ್ಕೆ ಆಸರೆಯಾಗಿ ತಂಡದ ಮೊತ್ತ 300ರ ಗಡಿ ದಾಟಿಸುವಲ್ಲಿ ನೆರವಾದರು. ಅಂತಿಮವಾಗಿ ಭಾರತ ತಂಡ ನಿಗದಿತ 50 ಓವರ್​ಗಳಲ್ಲಿ 302 ರನ್​ ಗಳಿಸಿತು.

303 ರನ್​ಗಳ ಸವಾಲಿನ ಮೊತ್ತ ಬೆನ್ನತ್ತಿದ ಅಸ್ಟ್ರೇಲಿಯಾ ತಂಡಕ್ಕೆ ಡೆಬ್ಯುಟೆಂಟ್​ ವೇಗಿ ನಟರಾಜನ್​ ಬೌಲ್ಡ್​ ಮಾಡಿ ಆಘಾತ ಕೊಟ್ರು. ನಂತರ ಬಂದ ಸ್ಟೀವ್​ ಸ್ಮಿತ್​ (7) ಮೊಸಿಸ್​ ಹೆನ್ರಿಕ್ಸ್​ (22), ಆ್ಯಲೆಕ್ಸ್​ ಕ್ಯಾರಿ 38  ರನಗಳಿಸಿದ್ರು. ಇತ್ತ ಅ್ಯರಾನ್​ ಫಿಂಚ್ 75 ರನ ಗಳಿಸಿ ರವೀಂದ್ರ ಜಡೇಜಾಗೆ ವಿಕೆಟ್​ ಒಪ್ಪಿಸಿದ್ರು. ಕೊನೆಯಲ್ಲಿ ಬಾಲಂಗೋಚಿಗಳ ಜೊತೆಗೂಡಿ ಗ್ಲೇನ್​ ಮ್ಯಾಕ್ಸ್​ವೆಲ್​(55) ತಂಡವನ್ನ ಗೆಲುವಿನತ್ತ ಕೊಂಡೊಯ್ಯುತ್ತಿದ್ದರು. ಆದರೆ  45ನೇ ಓವರ್​ನಲ್ಲಿ ದಾಳಿಗಿಳಿದ ಜಸ್​ಪ್ರೀತ್ ಬುಮ್ರಾ ಗ್ಲೇನ್ ಮ್ಯಾಕ್ಸ್​ವೆಲ್​ ಅವರನ್ನ ಬೌಲ್ಡ್​ ಮಾಡಿ ಪಂದ್ಯ್ ಕ್ಕೆ ದೊಡ್ಡ ತಿರುವು ಕೊಟ್ರು.

ಕೊನೆಯಲ್ಲಿ ಆಸ್ಟ್ರೇಲಿಯಾ ತಂಡ 49.3 ಓವರ್​ಗಳಲ್ಲಿ 289 ರನ್​ಗಳಿಸಿ ಸರ್ವಪತನ ಕಂಡಿತು. ಭಾರತ 13 ರನ್​ಗಳ ರೋಚಕ ಗೆಲುವಿನೊಂದಿಗೆ ಸಮಾಧಾನಪಟ್ಟುಕೊಂಡಿತ್ತು. ಆಸ್ಟ್ರೇಲಿಯಾ 2-1 ಅಂತರದಿಂದ ಸರಣಿ ಗೆದ್ದುಕೊಂಡಿತ್ತು.