ದೇಶದಲ್ಲಿ ಕೊರೊನಾ ರಣಕೇಕೆ: ಬರೋಬ್ಬರಿ 83,883 ಹೊಸ ಕೇಸ್: 1,043 ಬಲಿ

ರೈಸಿಂಗ್​ ಕನ್ನಡ :

ನ್ಯೂಸ್​ ಡೆಸ್ಕ್​:

ಹೆಮ್ಮಾರಿ ಕೊರೊನಾ ಇಡೀ ದೇಶದಲ್ಲಿ ರಣಕೇಕೆ ಹಾಕಿದೆ. ಒಂದೇ ದಿನದಲ್ಲಿ ದಾಖಲೆಯ 83 ಸಾವಿರಕ್ಕೂ ಹೆಚ್ಚು ಕೊರೊನಾ ಕೇಸ್​ ಪತ್ತೆಯಾಗುವ ಮೂಲಕ ವಿಶ್ವ ದಾಖಲೆ ಬರೆದಿದೆ. ಕೊರೊನಾ ವೈರಸ್​ ಆರಂಭವಾಗಿದ್ದನಿಂದಲ್ಲೂ ಇದು ಅತಿ ದೊಡ್ಡ ಸೋಂಕಾಗಿದೆ.

ಇದುವರೆಗೂ ಯಾವ ದೇಶದಲ್ಲೂ 24 ಗಂಟೆಯಲ್ಲಿ 83 ಸಾವಿರ ಸೋಂಕು ಕಾಣಿಸಿಕೊಂಡ  ಉದಾಹರಣೆ ಇಲ್ಲ. ಇತ್ತಿಚಿನ ದಿನಗಳಲ್ಲಿ ದೇಶಾದ್ಯಂತ ಕೊರೊನಾ ಮಹಾ ಸ್ಫೋಟ ಆಗಿದೆ. ಜು.24ರಂದು 78,586 ಕೊರೊನಾ ಕೇಸ್​ ಪತ್ತೆಯಾಗಿತ್ತು. ಇದು ಈವರೆಗಿನ ದಾಖಲೆಯ ಸೋಕೆಂದು ಪರಿಗಣಿಸಲಾಗಿತ್ತು. ಅದನ್ನ ಮೀರಿದ ಸೋಂಕು ಕಾಣಿಸಿಕೊಂಡಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಬರೋಬ್ಬರಿ 83,883 ಹೊಸ ಕೊರೊನಾ ಪ್ರಕರಣಗಳು ಪತ್ತೆಯಾಗಿವೆ. ಇದರೊಂದಿಗೆ ಭಾರತದಲ್ಲಿ ಸೋಂಕಿತರ ಸಂಖ್ಯೆ 38,53,407ಕ್ಕೆ ಏರಿಕೆಯಾಗಿದೆ.

ಇನ್ನು ಸಾವನಲ್ಲೂ ಅಬ್ಬರಿಸಿರುವ ಕೊರೊನಾ 1,043 ಮಂದಿ ಸಾವನಪ್ಪಿದ್ದು ಕೋವಿಡ್​ 19ಗೆ ಬಲಿಯಾದವರ ಸಂಖ್ಯೆ 67,376ಕ್ಕೆ ಏರಿಕೆಯಾಗಿದೆ. ದೇಶದಲ್ಲಿ 8,15,538 ಸಕ್ರಿಯ ಕೊರೊನಾ ಪ್ರಕರಣಗಳಿವೆ. 29,70,493 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಇತ್ತಿಚೆಗೆ ಬ್ರೆಜಿಲ್​ ಮತ್ತು ಅಮೆರಿಕಾ ನಂತರ ಅತಿ ಹೆಚ್ಚು ಕೊರೊನಾ ಸೋಂಕು ಭಾರತದಲ್ಲಿ ಕಾಣಿಸಿಕೊಳ್ಳುತ್ತಿದೆ.