ಕೊರೊನಾ ಸ್ಪೋಟ ಮುಂದುವರಿಕೆ: 78,512 ಹೊಸ ಕೇಸ್: 971 ಮಂದಿ ಬಲಿ

ರೈಸಿಂಗ್ ಕನ್ನಡ :

ನ್ಯೂಸ್​ ಡೆಸ್ಕ್​:

ದೇಶದಲ್ಲಿ ಕೊರೊನಾ ಸ್ಫೋಟ ಮುಂದುವರೆದಿದ್ದು ಹೊಸ ದಾಖಲೆಯತ್ತ ಮುನ್ನಗುತ್ತಿದ್ದು ಸೋಮವಾರ ದೇಶದಲ್ಲಿ 78 ಸಾವಿರಕ್ಕೂ ಹೆಚ್ಚು ಹೊಸ ಸೋಂಕು ಪತ್ತೆಯಾಗಿದೆ.

ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ 78,512 ಹೊಸ ಕೊರೊನಾ ಕೇಸ್​ ಪತ್ತೆಯಾಗಿದೆ. ಇದೀಗ ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 36,21,246ಕ್ಕೆ ಏರಿದೆ.

ಕಳೆದ ಒಂದು ದಿನದಲ್ಲಿ ಕೋವಿಡ್​ 19ಗೆ 971 ಮಂದಿ ಬಲಿಯಾಗಿದ್ದಾರೆ. ಕೋವಿಡ್​ 19ಗೆ ಬಲಿಯಾದವರ ಸಂಖ್ಯೆ 64,469ಕ್ಕೆ  ಏರಿದೆ.ದೇಶದಲ್ಲಿ 7,81,975 ಸಕ್ರಿಯ ಪ್ರಕರಣಗಳಿವೆ.  

ಭಾನುವಾರ ದೇಶಾದ್ಯಂತ 8,46,278 ಸ್ಯಾಂಪಲ್​ಗಳನ್ನ ಕಲೆ ಹಾಕಿದೆ. ಇಂಡಿಯನ್​ ಕೌನ್ಸಿಲ್​ ಆಫ್​ ಮೆಡಿಕಲ್​ ರಿಸರ್ಚ್​ (ಐಸಿಎಂಆರ್​) ಇದುವರೆಗೂ 4,23,07,914 ಸ್ಯಾಂಪಲ್​ಗಳು ಪರೀಕ್ಷಿಸಲಾಗಿದೆ.

ಒಂದು ಕಡೆ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿದ್ದರೂ ಇನ್ನೊಂದು ಕಡೆ ಅಷ್ಟೆ ಪ್ರಮಾಣದಲ್ಲಿ ಸೋಂಕಿತರು ಗುಣಮುಖರಾಗುತ್ತಿದ್ದಾರೆ. ಸಕ್ರಿಯ ಪ್ರಕರಣಗಳಿಗಿಂತ 3.5 ರಷ್ಟು ಗುಣಮುಖರಾಗುತ್ತಿದ್ದಾರೆ.