ಉತ್ತರ ಕೊರಿಯಾಕ್ಕೆ ಭಾರತದ ನೆರವಿನ ಹಸ್ತ: 10 ಲಕ್ಷ ಡಾಲರ್ ಮೊತ್ತದ ಕ್ಷಯರೋಗ ಔಷಧ ನೀಡಲು ಒಪ್ಪಿಗೆ

ರೈಸಿಂಗ್ ಕನ್ನಡ :

ದೆಹಲಿ :

ಮಾನವೀಯತೆಯ ದೃಷ್ಟಿಯಿಂದ ಉತ್ತರ ಕೊರಿಯಾಕ್ಕೆ ಭಾರತ ಸರ್ಕಾರ 10ಲಕ್ಷ ಡಾಲರ್ ಮೊತ್ತದ ಕ್ಷಯ ರೋಗದ ಔಷಧ ಮತ್ತು ಉಪಕರಣಗಳನ್ನ ಕಳುಹಿಸಿಕೊಡಲು ನಿರ್ಧರಿಸಿದೆ.

ಉತ್ತರ ಕೊರಿಯಾ ಔಷಧಗಳ ಕೊರತೆ ಎದುರಿಸುತ್ತಿದೆ. ಈ ಹಿನ್ನಲೆಯಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ ಭಾರತಕ್ಕೆ 10 ಲಕ್ಷ ಡಾಲರ್​ ಮೊತ್ತದ ಔಷಧಗಳ ಕೊಡುವಂತೆ ಭಾರತಕ್ಕೆ ಮನವಿ ಮಾಡಿತ್ತು. ಮನವಿ ಸ್ವೀಕರಿಸಿದ ಭಾರತ ಸರ್ಕಾರ ಔಷಧಗಳನ್ನ ಕಳುಹಿಸಿ ಕೊಡುವುದಾಗಿ ಹೇಳಿದೆ. 

ಉತ್ತರ ಕೊರಿಯಾದ ಜೊತೆ ಯಾವುದೇ ವ್ಯವಹಾರ ಮಾಡಬೇಕಾದರೆ ಅಮೆರಿಕದ ನಿರ್ಬಂಧಗಳನ್ನು ಮುರಿಯಬೇಕಿದೆ. ಆದ್ರೆ ಕ್ಷಯ ರೋಗ ನಿರ್ಮೂಲನೆ ಮಾಡಲು ಉತ್ತರ ಕೊರಿಯಾದಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ ಚಟುವಟಿಕೆ ಮಾಡುತ್ತಿದೆ. ಹೀಗಾಗಿ ಈ ಔಷಧಗಳನ್ನ ಕಳುಹಿಸಿಕೊಡಲು ಯಾವುದೇ ಸಮಸ್ಯೆ ಇಲ್ಲ.

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರತಿನಿಧಿಯ ಉಪಸ್ಥಿತಿಯಲ್ಲಿ ಉತ್ತರ ಕೊರಿಯಾದಲ್ಲಿರುವ ಭಾರತದ ರಾಯಭಾರಿ ಮಲ್ಹಾರಿ ಗೊಟ್​ಸುರ್ವೆ ಕೆಲವು ಔಷಧಗಳನ್ನ ಕೊರಿಯಾ ಅಧಿಕಾರಿಗಳಿಗೆ ಹಸ್ತಾಂತರಿಸಿದ್ದಾರೆ.