ಬೆಂಗಳೂರಿನಲ್ಲಿ ಭಾರತ -ದ.ಆಫ್ರಿಕಾ ಟಿ-20 ಪಂದ್ಯ : ಕೊಹ್ಲಿಗೆ ಸರಣಿ ಜಯದ ಗುರಿ

ಬೆಂಗಳೂರು : ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರನೇ ಹಾಗೂ ಅಂತಿಮ ಟಿ-20 ಕ್ರಿಕೆಟ್​ ಪಂದ್ಯ ಇವತ್ತು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಸಂಜೆ 7 ಗಂಟೆಗೆ ಪಂದ್ಯ ಆರಂಭವಾಗಲಿದ್ದು, ಸರಣಿ ಜಯದ ತವಕದಲ್ಲಿ ಟೀಂ ಇಂಡಿಯಾ ಇದೆ. ಆದ್ರೆ, ಬೆಂಗಳೂರಿನಲ್ಲಿ ಮೋಡ ಕವಿದ ವಾತಾವರಣ ಇದ್ದು, ಪಂದ್ಯಕ್ಕೆ ಮಳೆ ಅಡ್ಡಿಯಾಗೋ ಸಾಧ್ಯತೆ ಕಾಣ್ತಿದೆ.

ಈಗಾಗಲೇ ಭಾರತ 1-0 ಮುನ್ನಡೆಯಲ್ಲಿದ್ದು, ಟ್ರೋಫಿ ಗೆಲ್ಲುವ ಉತ್ಸಾಹದಲ್ಲಿದೆ. ಸೋಲನ್ನೇ ಕಾಣದೆ ವೆಸ್ಟ್ ಇಂಡೀಸ್​​ ಪ್ರವಾಸ ಮುಗಿಸಿದ್ದ ಕೊಹ್ಲಿ ಪಡೆ, ಅಕ್ಟೋಬರ್​ 2ರಿಂದ ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್​ ಸರಣಿಗೂ ಅಜೇಯವಾಗಿ ಇರೋದಕ್ಕೆ ಟ್ರೈ ಮಾಡ್ತಿದೆ. ಹೀಗಾಗಿ, ಇವತ್ತಿನ ಬೆಂಗಳೂರು ಪಂದ್ಯ ಗೆಲ್ಲುವ ಉತ್ಸಾಹ ಕೊಹ್ಲಿ ಪಡೆಗಿದೆ.

2020ರ ಟಿ-20 ವಿಶ್ವಕಪ್​ಗೆ ಭಾರತ ತಂಡವನ್ನ ಬಲಿಷ್ಠಗೊಳಿಸಲು ತಯಾರಿ ನಡೆಸಿದೆ. ಹೀಗಾಗಿ, ಹೊಸ ಪ್ರಯೋಗಗಳಿಗೆ ಭಾರತ ಮುಂದಾಗಿದೆ. ರಿಷಭ್​ ಪಂತ್​ಗೆ ಹೆಚ್ಚಿನ ಅವಕಾಶ ನೀಡ್ತಿದ್ರೂ, ಸಕ್ಸಸ್​ ಕಾಣ್ತಿಲ್ಲ. ಇತ್ತ ರೋಹಿತ್ ಶರ್ಮಾ, ಶಿಖರ್ ಧವನ್​, ವಿರಾಟ್ ಕೊಹ್ಲಿ ಮೇಲೆ ಭಾರತ ಅವಲಂಬಿಸಿದೆ. ಐಪಿಎಲ್​ನಲ್ಲಿ ಬೆಂಗಳೂರು ತಂಡ ಪ್ರತಿನಿಧಿಸೋ ಕೊಹ್ಲಿ, ಬೆಂಗಳೂರು ಒಂದ್ ರೀತಿ ಹೋಮ್​ ಗ್ರೌಂಡ್​​ನಂತೆ ಕಾಣ್ತಿದೆ.