Featured
IBPS ಪರೀಕ್ಷೆ, ಕನ್ನಡಿಗರಿಗೆ ಗಾಯದ ಮೇಲೆ ಬರೆ, ಕೇಂದ್ರದ ಮಲತಾಯಿ ಧೋರಣೆ : ಹೆಚ್‌ಡಿಕೆ
ಬೆಂಗಳೂರು: ಹಿಂದಿ ಹೇರಿಕೆ ಅವ್ಯಾಹತವಾಗಿ ನಡೆಯುತ್ತಿದ್ದು ಕೇಂದ್ರ ಸರ್ಕಾರ ಕನ್ನಡ ಭಾಷಿಗರನ್ನ ಕಡೆಗಣಿಸಿ ಮಲತಾಯಿ ಧೋರಣೆ ತೋರುತ್ತಿದೆ ಎಂದು ಮಾಜಿ ಸಿಎಂ ಕುಮಾರಸ್ವಾಮಿ ಟ್ವೀಟ್‌ ಮಾಡಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕನ್ನಡಿಗರ ಬೇಡಿಕೆ ನಂತರವೂ ಕೇಂದ್ರ ಸರ್ಕಾರ ಐಬಿಪಿಎಸ್‌ ಪರೀಕ್ಷೆಯನ್ನ ಕನ್ನಡದಲ್ಲಿ ಬರೆಯಲು ಅವಕಾಶ ನೀಡಿಲ್ಲ, ಜೊತೆಗೆ ಹಿಂದೆ ಇದ್ದ ಡೊಮಿಸೆಲ್‌ ನಿಯಮವನ್ನ ತೆಗೆದುಹಾಕಿ ಮಲತಾಯಿ ಧೋರಣೆ ತೋರಲಾಗಿದೆ, ಇದನ್ನ ನಾನು ಖಂಡಿಸುತ್ತೇನೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಇನ್ನು ಕನ್ನಡದ ಮೇಲಿನ ದಬ್ಬಾಳಿಕೆ ವಿರೋಧಿಸಿ ಸೆ.೧೪ರಂದು ಟೌನ್‌ಹಾಲ್‌ನಿಂದ ಫ್ರೀಢಂಪಾರ್ಕ್‌ ವರೆಗೆ ಮೆರವಣಿಗೆ ಆಯೋಜಿಸುವುದಾಗಿ ಕನ್ನಡಪರ ಸಂಘಟನೆಗಳು ಹೇಳಿದ್ದು, ಅಂದು ಹ್ಯಾಷ್‌ಟ್ಯಾಗ್‌ ಮೂಲಕ ಟ್ವಿಟ್ಟರ್‌ ಟ್ರೆಂಡ್‌ ಮಾಡಲು ಮನವಿ ಮಾಡಿಕೊಳ್ಳಲಾಗಿದೆ.
