ನಾನು ತಪ್ಪು ಮಾಡಿಲ್ಲ.. ರಾಜೀನಾಮೆ ಕೊಡಲ್ಲ : CD ವಿಚಾರಕ್ಕೆ ಸಚಿವ ರಮೇಶ್​ ಜಾರಕಿಹೊಳಿ ರಿಯಾಕ್ಷನ್​​

ಬೆಂಗಳೂರು :

ಸಚಿವ ರಮೇಶ್​ ಜಾರಕಿಹೊಳಿ ಅವರದ್ದು ಎನ್ನಲಾದ CD ಎಲ್ಲೆಡೆ ಜೋರಾಗಿ ಸದ್ದು ಮಾಡ್ತಿದೆ. ಸಾಮಾಜಿಕ ಕಾರ್ಯಕರ್ತ ದಿನೇಶ್​ ಕಲ್ಲಳ್ಳಿ, ಪೊಲೀಸ್ ಕಮೀಷನರ್​ಗೆ ದೂರು ನೀಡ್ತಿದ್ದಂತೆ, CD ಮ್ಯಾಟರ್​ ರಾಜಕೀಯ ವಲಯದಲ್ಲಿ ಅಲ್ಲೋಲ, ಕಲ್ಲೋಲ ಸೃಷ್ಟಿಸಿದೆ.

ಈ ನಡುವೆ, ಯುವತಿಯೊಬ್ಬರ ಜೊತೆ ವೈರಲ್​ ಆಗಿರೋ ಅಶ್ಲೀಲ ವಿಡಿಯೋ ಬಗ್ಗೆ ಸಚಿವ ರಮೇಶ್​ ಜಾರಕಿಹೊಳಿ ಸ್ಪಷ್ಟನೆ ನೀಡಿದ್ದಾರೆ. ನಾನು ವಿಡಿಯೋ ನೋಡಿಲ್ಲ, ನೋಡೋದೂ ಇಲ್ಲ. ನನಗೂ ಆ ವಿಡಿಯೋಗೂ ಸಂಬಂಧವಿಲ್ಲ. ಆ ಯುವತಿ ಯಾರು ಅನ್ನೋದು ನನಗೆ ಗೊತ್ತಿಲ್ಲ ಎಂದು ಹೇಳಿದ್ದಾರೆ.

ಮೈಸೂರಿನಿಂದ ಬೆಂಗಳುರಿಗೆ ಬಂದ ರಮೇಶ್​ ಜಾರಕಿಹೊಳಿ ತಮ್ಮ ನಿವಾಸದಲ್ಲಿ ಮಾಧ್ಯಮ ಪ್ರತಿನಿಧಿಗಳ ಜೊತೆ ಸಿಡಿ ವಿಚಾರವಾಗಿ ಮಾತ್ನಾಡಿದ್ರು. ನನ್ನ ವಿರುದ್ಧ ರಾಜಕೀಯ ಷಡ್ಯಂತ್ರ ನಡೆದಿದೆ. 21 ವರ್ಷಗಳಿಂದ ನಾನು ಶಾಸಕನಾಗಿದ್ದೇನೆ. ಈಗ ಬೆಳಗಾವಿ ಚುನಾವಣೆ ಬರ್ತಿರೋ ಹಿನ್ನೆಲೆಯಲ್ಲಿ ಈ ರೀತಿಯ ಷಡ್ಯಂತ್ರ ಮಾಡಲಾಗಿದೆ ಎಂದು ರಿಯಾಕ್ಟ್​ ಮಾಡಿದ್ದಾರೆ.

ವಿಡಿಯೋ ಬಗ್ಗೆ ತನಿಖೆ ಆಗಬೇಕು. ಸತ್ಯಾಸತ್ಯತೆ ಹೊರಬರಬೇಕು. ನನಗೆ ದಿನೇಶ್​ ಕಲ್ಲಳ್ಳಿ ಯಾರು ಅಂತ ಗೊತ್ತಿಲ್ಲಿ. ನಾನು ಯಾವುದೇ ತಪ್ಪ ಮಾಡಿಲ್ಲ. ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಲ್ಲ. ತಪ್ಪೇ ಮಾಡಿಲ್ಲ ಅಂದ ಮೇಲೆ, ರಾಜೀನಾಮೆ ಯಾಕೆ ನೀಡಬೇಕು.? ರಾಜೀನಾಮೆ ಕೊಟ್ರೆ, ನಾನು ತಪ್ಪು ಮಾಡಿದ್ದೇನೆ ಅಂತ ಒಪ್ಪಿಕೊಂಡಂತೆ ಆಗುತ್ತೆ. ನಾನು ತಪ್ಪೇ ಮಾಡಿಲ್ಲ ಅಂತ ರಮೇಶ್​ ಜಾರಕಿಹೊಳಿ ಸ್ಪಷ್ಟನೆ ನೀಡಿದ್ರು.

ದೆಹಲಿಗೆ ಹೋಗ್ತಿದ್ದು, ಹೈಕಮಾಂಡ್​ಗೆ ಈ ವಿಚಾರವಾಗಿ ಸ್ಪಷ್ಟನೆ ನೀಡೋದಾಗಿ ತಿಳಿಸಿದ್ರು. ಅಲ್ಲದೆ, ರಾತ್ರಿಯೇ ಸಿಎಂ ಯಡಿಯೂರಪ್ಪ ಅವರನ್ನ ಭೇಟಿಯಾಗಿ, ಬಳಿಕ ದೆಹಲಿಗೆ ಹೋಗೋದಾಗಿ ಸಚಿವ ರಮೇಶ್​ ಜಾರಕಿಹೊಳಿ ತಿಳಿಸಿದ್ರು. ಒಟ್ನಲ್ಲಿ, ಅದೇನೇ ಆಗ್ಲಿ, ಯುವತಿ ಜೊತೆಗಿನ ಆಡಿಯೋ, ವಿಡಿಯೋ ಸದ್ಯ ರಾಜ್ಯ ರಾಜಕಾರಣದಲ್ಲಿ ಸಂಚಲನ ಸೃಷ್ಟಿಸಿದೆ.