ಕೊರೊನಾದಿಂದ ಬೇಸತ್ತಿರೋ ಜನಕ್ಕೆ ಇದೀಗ ಕಳ್ಳರ ಶಾಕ್..! ಬೀಗ ಹಾಕಿರೋ ಮನೆಗಳೇ ಟಾರ್ಗೆಟ್..!

ರೈಸಿಂಗ್ ಕನ್ನಡ :

ಪ್ರತಿನಿಧಿ, ಕೆ.ಆರ್ ಬಾಬು, ತುಮಕೂರು :

ಜಿಲ್ಲೆಯ ಶಿರಾ ತಾಲೂಕಿನಲ್ಲಿ ಕೊರೊನಾ ಆತಂಕದ ನಡುವೆ ಕಳ್ಳರ ಹಾವಳಿ ಹೆಚ್ಚಾಗಿದೆ. ನಗರದ ಹಲವು ಮನೆಗಳಲ್ಲಿ ಖದೀಮರು ತಮ್ಮ ಕೈ ಚಳಕ ತೋರಿದ್ದಾರೆ. ಒಂದೇ ಕಡೆ ಸರಣಿ ಕಳ್ಳತನ ನಡೆದಿದ್ದು, ಬೀಗ ಹಾಕಿರುವ ಮನೆಗಳಲ್ಲಿ ಖದೀಮರು ಕೈಚಳಕ ತೋರಿದ್ದಾರೆ.

ನಗರದ ಕೋಟೆ ಮಾರಮ್ಮನ ದೇವಸ್ಥಾನದ ರಸ್ತೆಯಲ್ಲಿರುವ ಎರಡು ಮನೆ ಹಾಗೂ ಹಲ್ಕೂರು, ಚನ್ನನಕುಂಟೆ, ಗ್ರಾಮದಲ್ಲಿ ಒಂದು ಮನೆ ನಂತರ ಅನುಪನಹಳ್ಳಿ ಕೊಟ್ಟ ಸೇರಿದಂತೆ ಸುಮಾರು ಏಳು ಮನೆಗಳಲ್ಲಿ ಸರಣಿ ಕಳ್ಳತನ ನಡೆದಿದೆ.

ಸ್ಥಳಕ್ಕೆ ಶ್ವಾನದಳ ಹಾಗೂ ಬೆರಳಚ್ಚು ತಜ್ಞರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಶಿರಾ ನಗರ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.