Featured
ಭಾರತದಲ್ಲಿ ನೆಲ ಕಚ್ಚುತ್ತಿದೆ ಚೀನಾ ಸ್ಮಾರ್ಟ್ ಫೋನ್ : ಮೂರು ತಿಂಗಳಲ್ಲಿ ಚೀನಾ ಕಳೆದುಕೊಂಡಿದ್ದು ಎಷ್ಟು ಗೊತ್ತಾ ?
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಭಾರತದ ಮಾರುಕಟ್ಟೆಯಲ್ಲಿ ಚೀನಾ ಸ್ಮಾರ್ಟ್ ಫೋನ್ ಪಾಲು ಕುಸಿಯುತ್ತಿದೆ ಎಂದು ಕೌಂಟರ್ ಪಾಯಿಂಟ್ ಅಧ್ಯಯನ ಸಂಸ್ಥೆ ಬಹಿರಂಗಪಡಿಸಿದೆ.
ಗಡಿಯಲ್ಲಿ ಚೀನಾ ಮಾಡಿದ ಕುತಂತ್ರ ಭಾರತದ ಶತ್ರು ಎಂಬ ಹಣೆಪಟ್ಟಿ ಪಡೆದುಕೊಳ್ಳಬೇಕಾಯಿತು. ಇದರ ಪರಿಣಾಮವೇ ಭಾರತದಲ್ಲಿ ಮೊಬೈಲ್ ವ್ಯಾಪಾರ ನೆಲಕಚ್ಚುತ್ತಿದೆ.
ಜನವರಿ – ಮಾರ್ಚ್ ತ್ರೈಮಾಸಿಕದಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಚೀನಾ ಮೊಬೈಲ್ಗಳ ಪಾಲು ಶೇ.81ರಷ್ಟು ಇದ್ದಿದ್ದು ಏಪ್ರಿಲ್- ಜೂನ್ ತ್ರೈಮಾಸಿಕದಲ್ಲಿ ಶೇ.72ಕ್ಕೆ ಕುಸಿದಿದೆ.
ಇದಕ್ಕೆಲ್ಲ ಕೊರೊನಾ ಲಾಕ್ಡೌನ್, ಚೀನಾ ವಿರೋಧಿ ನೀತಿ, ಉತ್ಪಾದನೆ ಮತ್ತು ವಿತರಣೆಯಲ್ಲೂ ಏರುಪೇರಾಗಿದ್ದರಿಂದ ಮಾರಾಟ ಇಳಿಕೆಗೆ ಕಾರಣವಾಗಿದೆ.
ಭಾರತದ ಗಡಿಗೆ ಹೊಂದಿಕೊಂಡಿರುವ ಯಾವುದೇ ದೇಶದಿಂದ ಯಾವುದೇ ಸರ್ಕಾರಿ ಸ್ವಾಮ್ಯದ ಕಂಪನಿಗಳು ಯಾವುದೇ ವಸ್ತು ಅಥವಾ ಸೇವೆಯನ್ನ ಪಡೆಯುವುದನ್ನ ನಿಷೇಧಿಸಿ ಭಾರತ ಸರ್ಕಾರ ಆದೇಶ ಹೊರಡಿಸಿದೆ.
ಆದೇಶದ ಪತ್ರದಲ್ಲಿ ಯಾವುದೇ ದೇಶವನ್ನು ಹೇಳದಿದ್ದರೂ ಪರೋಕ್ಷವಾಗಿ ಚೀನಾ ದೇಶದ ಹೆಸರನ್ನ ಹೇಳಿದಂತಿದೆ. ಚೀನಾಸ ವಸ್ತುಗಳನ್ನ ರಫ್ತಾಗದಂತೆ ತಡೆಯುವುದು ಇದರ ಉದ್ದೇಶವಾಗಿದೆ.
