ಆಯುರ್ವೇದ ಔಷಧಿಗಳ ಕಣಜ – ತುಂಬೆಯಿಂದ ಹಲವು ಕಾಯಿಲೆ ಮಂಗಮಾಯ

ತುಂಬೆಯ ಗಿಡ ಆಯುರ್ವೇದ ಔಷಧಗಳ ಕಣಜ. ತುಂಬೆಯ ಬೇರು, ತುಂಬೆಯ ಸೊಪ್ಪು, ತುಂಬೆಯ ಹೂವು ಹೀಗೆ ಎಲ್ಲವೂ ಔಷಧಿಗಳೇ. ಈಗಾಗಲೇ ತುಂಬೆ 11 ರೀತಿಯ ಕಾಯಿಲೆಗಳಿಗೆ ಔಷಧಗಳನ್ನು ಒದಗಿಸಿಕೊಡುತ್ತದೆ ಅನ್ನುವುದನ್ನು ಪುರಾಣಿಕ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯರ ಪರಿಷತ್​​​ ತಿಳಿಸಿಕೊಟ್ಟಿದೆ. ಈಗಾಗಲೇ ತುಂಬೆಯಿಂದ ಮಾಡಿಕೊಳ್ಳಬಹುದಾದ 6 ಔಷಧಿಗಳ ಬಗ್ಗೆ ತಿಳಿಸಿಕೊಟ್ಟಿರುವ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯರ ಪರಿಷತ್ ಇಂದು ಉಳಿದ ಕಾಯಿಲೆಗಳಿಗೆ ತುಂಬೆ ಹೇಗೆ ಔಷಧವನ್ನು ಒದಗಿಸಬಲ್ಲದು ಅನ್ನುವುದನ್ನು ಹೇಳಿಕೊಡುತ್ತಿದೆ.

ಮಂಗನ ಬಾವು:

ಹೂವು ಬಿಟ್ಟಿರುವ ತುಂಬೆ ಗಿಡದ ಎಲೆಗಳೊಂದಿಗೆ, ಹಳೆಯ ಬೆಲ್ಲ ಸೇರಿಸಿ ಕಾಯಿಸಿಕೊಳ್ಳಬೇಕು. ಇದು ಆರಿದ ನಂತರ, ಮಂಗನ ಬಾವು ಇವರು ಜಾಗಕ್ಕೆ ಲೇಪನ ಮಾಡಬೇಕು. ಇದರಿಂದ ಮಂಗನಬಾವು ದೂರವಾಗುತ್ತದೆ.

ಉಬ್ಬಸ:

ತುಂಬೆಯ ಬೇರು, ಎಲೆ ಮತ್ತು ಹೂವು ಸಮ ಪ್ರಮಾಣದ ಕೂಡಿಸಿ ಅರೆದು ರಸ ತೆಗೆಯಬೇಕು. ಅರ್ಧ ಲೋಟ ರಸಕ್ಕೆ ಅಷ್ಟೇ ಪ್ರಮಾಣದಲ್ಲಿ ಹಸಿಶುಂಠಿಯ ರಸವನ್ನು ಸೇರಿಸಿಕೊಂಡು ಕಲಾಯಿ ಇರುವ ಪಾತ್ರೆಯಲ್ಲಿ ಬಿಸಿಮಾಡಿ, ಆರಿದ ನಂತರ, 4 ರಿಂದ 5 ಚಮಚ ಜೇನು ತುಪ್ಪ ಸೇರಿಸಿ ಪ್ರತಿದಿನ 2 ಬಾರಿ ಸೇವಿಸಬೇಕು. ಹೀಗೆ ಮಾಡುವುದರಿಂದ ಉಬ್ಬಸ ದೂರವಾಗುತ್ತದೆ.  

ಕಾಮಾಲೆ:

ಒಂದೆರಡು ಚಮಚ ತುಂಬೆ ರಸ, ನಾಲ್ಕೈದು ಚಮಚ ಜೇನು ತುಪ್ಪ ,ಸೇರಿಸಿ ದಿನಕ್ಕೆರಡು ಬಾರಿ ಸೇವಿಸಿದರೆ ಕಾಮಾಲೆ ದೂರವಾಗುತ್ತದೆ.

ಚರ್ಮರೋಗಕ್ಕೆ:

ತುಂಬೆಯ ರಸವನ್ನು ಚರ್ಮದ ಮೇಲೆ ಲೇಪಿಸುವುದರಿಂದ ನವೆ, ತುರಿಕೆ, ಇಸುಬು, ಕಜ್ಜೆಯಂತಹ  ಚರ್ಮರೋಗಗಳು ಸಂಪೂರ್ಣವಾಗಿ ವಾಸಿಯಾಗುತ್ತವೆ.

ಅರ್ಧತಲೆಮೋವು

ತುಂಬೆ ಸೊಪನ್ನು ನುಣ್ಣಗೆ ಅರೆದು  ಬಿಸಿ ಮಾಡಿ, ಸ್ವಲ್ಪ ಬಿಸಿ ಇರುವಾಗಲೇ ಹಣೆಗೆ ಲೇಪಿಸುವುದರಿಂದ ಅರ್ಧ ತಲೆನೋವು ಸಂಪೂರ್ಣವಾಗಿ ವಾಸಿಯಾಗುತ್ತದೆ.  

ಆಯುರ್ವೇದ ಔಷಧಗಳ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿದುಕೊಳ್ಳಲು ಕೆಳಗಿನ ಸಂಖ್ಯೆಗಳಿಗೆ ಕರೆ ಮಾಡಿ.