Featured
ಕೆಮ್ಮು, ಅಸ್ತಮಾಕ್ಕೆ ರಾಮಬಾಣ- ಲವಂಗದಲ್ಲಿ ಅಡಗಿದೆ ಮ್ಯಾಜಿಕ್ ಶಕ್ತಿ..!
ಪುರಾಣಿಕ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯರ ಪರಿಷತ್ ದಿನಕ್ಕೊಂದು ಮನೆ ಮದ್ದು ಓದುಗರಿಗೆ ತಿಳಿಸಿಕೊಡುತ್ತಿದೆ. ಮನೆಯಲ್ಲೇ ಸಿಗುವ ವಸ್ತುಗಳಿಂದ ಮನೆಯಲ್ಲೇ ತಯಾರಿಸಿಕೊಳ್ಳಬಹುದಾದ ಮದ್ದುಗಳ ಬಗ್ಗೆ ತಿಳಿಸಿಕೊಡುವ ಪ್ರಯತ್ನ ನಡೆಯುತ್ತದೆ. ಕೊರೊನಾ ಕಾಲದಲ್ಲಿ ಸಾಧಾರಾಣ ಕೆಮ್ಮು ಅಥವಾ ಅಸ್ತಮಾ ಬಂದರೂ ಭಯ ಪಡಬೇಕಾದ ಅನಿವಾರ್ಯ ಸ್ಥಿತಿ ಇದೆ. ಆದರೆ ಪುರಾಣಿಕ ಆಯುರ್ವೇದ ಚಿಕಿತ್ಸಾಕೇಂದ್ರ ಮತ್ತು ಅನುವಂಶೀಯ ವೈದ್ಯರ ಪರಿಷತ್ ಲವಂಗವನ್ನು ಉಪಯೋಗಿಸಿಕೊಂಡು ಆರೋಗ್ಯ ಕಾಪಾಡಿಕೊಳ್ಳಬಹುದಾದ ರಹಸ್ಯವನ್ನು ತಿಳಿಸಿದೆ.
ಮನೆಯಲ್ಲಿ ಲಭ್ಯ ಇರುವ ಸುಮಾರು 20 ತುಂಡು ಲವಂಗವನ್ನು ತೆಗೆದುಕೊಳ್ಳಬೇಕು. ಅದನ್ನು ಚೆನ್ನಾಗಿ ಫ್ರೈ ಮಾಡಬೇಕು. ಲವಂಗ ಫ್ರೈ ಮಾಡುತ್ತಾ ಅದರ ಮುಂದುಗಡೆ ಇರುವ ಗಂಟು ಅಥವಾ ಉಂಡೆ ಬೆಳ್ಳಗಾಗುತ್ತದೆ. ಆಗ ಫ್ರೈ ಆಗಿರುವ ಲವಂಗವನ್ನು ಉರಿಯಿಂದ ಕೆಳಗೆ ಇಳಿಸಬೇಕು. ಬಿಸಿ ಆರಿದ ನಂತರ ಪುಡಿ ಮಾಡಿಕೊಳ್ಳಬೇಕು. ನೀರು ಅಥವಾ ಇನ್ನಾವುದೇ ವಸ್ತುವನ್ನು ಸೇರಿಸುವಂತಿಲ್ಲ.
ಬಿಳಿವಸ್ತ್ರದಿಂದ ಲವಂಗದ ಪುಡಿಯನ್ನು ಶುದ್ಧ/ ಶೋಧನೆ ಮಾಡಬೇಕು. ಒಂದು ಡಬ್ಬಿಯಲ್ಲಿ ಆ ಪುಡಿಯನ್ನು ತುಂಬಿಸಿಕೊಳ್ಳಬೇಕು. ನಂತರ ಕಿರು ಜೇನು ಅಂದರೆ ಕಾಡಲ್ಲಿ ಸಿಗುವ ಅಪ್ಪಟ ಜೇನನ್ನು ಒಂದು ಅವರೆಕಾಳಿನಷ್ಟು ಲವಂಗ ಪೌಡರ್ ಹಾಕಿಕೊಂಡು ಮಿಕ್ಸ್ ಮಾಡಬೇಕು. ಕಿರು ಜೇನುತುಪ್ಪದಲ್ಲಿ ಸೇರಿಕೊಂಡ ಲವಂಗ ಹುಡಿಯನ್ನು ಬೆಳಗ್ಗೆ, ಸಾಯಂಕಾಲ ತೆಗೆದುಕೊಂಡರೆ ಕೆಮ್ಮು, ಅಸ್ತಮ, ಗುಣಮುಖವಾಗುತ್ತದೆ. ಪ್ರತಿನಿತ್ಯ ಹೀಗೆ ಮಾಡುವುದರಿಂದ ಒಣಕೆಮ್ಮು ಮತ್ತು ಅಸ್ತಮಾ ಸಂಪೂರ್ಣವಾಗಿ ದೂರವಾಗುತ್ತದೆ.
ಆಯುರ್ವೇದ ಚಿಕಿತ್ಸೆ ಹಾಗೂ ಮನೆ ಮದ್ದುಗಳ ಬಗ್ಗೆ ಹೆಚ್ಚು ತಿಳಿದುಕೊಳ್ಳಲು ಕೆಳಗಿನ ಸಂಖ್ಯೆಗೆ ಕರೆ ಮಾಡಿ
