ಹಾಸನ : ವರ್ಷಕ್ಕೆ ಒಮ್ಮೆಯಷ್ಟೇ ದರ್ಶನ ಭಾಗ್ಯ ಕರುಣಿಸುವ ಹಾಸನಾಂಬೆಯ ದರ್ಶನಕ್ಕೆ ಕ್ಷಣಗಣನೆ ಶುರುವಾಗಿದೆ. ಹಾಸನದ ಅಧಿದೇವತೆ ಹಾಸನಾಂಬೆಯ ದರ್ಶನಕ್ಕೆ ಜಿಲ್ಲಾಡಳಿತದಿಂದ ಸಕಲ ಸಿದ್ಧತೆ ಮಾಡಿಕೊಂಡಿದೆ. ಇವತ್ತು 12.30ಕ್ಕೆ ಹಾಸನಾಂಬೆ ದೇವಾಲಯದ ಗರ್ಭಗುಡಿಯ ಬಾಗಿಲು ತೆರೆಯಲಿದೆ. ಇವತ್ತಿನಿಂದ ಮುಂದಿನ 12 ದಿನಗಳ ಕಾಲ ದೇವಿ ದರ್ಶನ ಭಾಗ್ಯ ಸಿಗಲಿದೆ. ಅಕ್ಟೋಬರ್ 29 ರಂದು ದೇವಾಲಯದ ಬಾಗಿಲು ಬಂದ್‌ ಆಗಲಿದೆ.
ವಿಶೇಷ ಅಂದ್ರೆ, ಗರ್ಭಗುಡಿಯಲ್ಲಿ ಹೊತ್ತಿಸಿರುವ ದೀಪವು ವರ್ಷವಿಡಿ ಇರುತ್ತೆ ಎಂಬುದು
ಇಲ್ಲಿನ ಪ್ರತೀತಿ. ಅಲ್ಲದೆ, ದೇವಿಗೆ ಸಿಂಗರಿಸಿದ ಹೂವುಗಳು ಕೂಡ ಬಾಡುವುದೇ ಇಲ್ಲ. ಇವತ್ತು ದೇವಿಯ
ಗರ್ಭಗುಡಿ ಬಾಗಿಲು ತೆಗೆಯಲಾಗುತ್ತೆ. ಬಳಿಕ ಬಲಿಪಾಡ್ಯಮಿಯ ಮಾರನೇಯ ದಿನ ದೇವಿಯ ಬಾಗಿಲು ಮಚ್ಚಲಾಗುತ್ತೆ.
ದರ್ಶನಕ್ಕೆ ಬರುವ ಭಕ್ತರಿಗಾಗಿ ಕುಡಿಯುವ ನೀರಿನ ವ್ಯವಸ್ಥೆ, ಪ್ರಸಾದ ವಿನಿಯೋಗ ಜೊತೆಗೆ
ಪ್ರತ್ಯೇಕ ಶೌಚಾಲಯ ನಿರ್ಮಾಣ ಮಾಡಲಾಗಿದೆ. ಈ ನಿಟ್ಟಿನಲ್ಲಿ ಹಾಸನ ಜಿಲ್ಲಾಧಿಕಾರಿ ಗಿರೀಶ್ ನೇತೃತ್ವದಲ್ಲಿ
ಎಲ್ಲಾ ಸಿದ್ಧತೆಗಳು ಪೂರ್ಣಗೊಂಡಿವೆ. ಇನ್ನು 12 ದಿನಗಳ ಕಾಲದಲ್ಲಿ ಒಂದು ದಿನ ಬಿಡುವು
ಮಾಡಿಕೊಂಡು ಹಾಸನಾಂಬೆ ದರ್ಶನ ಪಡೆಯಿರಿ.
