Featured
ಗಂಡು ಮಗುವಿಗೆ ಜನ್ಮ ನೀಡಿದ ಹಾರ್ದಿಕ್ ದಂಪತಿ- ಕ್ರಿಕೆಟಿಗರಿಂದ ಶುಭಾಷಯಗಳ ಮಹಾಪೂರ
ರೈಸಿಂಗ್ ಕನ್ನಡ:
ಟೀಮ್ ಇಂಡಿಯಾದ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯಾ ಗಂಡು ಮಗುವಿನ ಅಪ್ಪನಾಗಿದ್ದಾರೆ. ಹಾರ್ದಿಕ್ ಪಾಂಡ್ಯಾ ಹಾಗೂ ಪತ್ನಿ ನತಾಸಾ ಸ್ಟ್ಯಾನ್ಕೋವಿಚ್ ದಂಪತಿ ಮದುವೆಗೂ ಮುನ್ನವೇ ಶುಭ ಸುದ್ದಿ ನೀಡಿದ್ದಾರೆ. ಅಪ್ಪನಾಗಿರುವ ಸುದ್ದಿಯನ್ನು ಇನ್ಸ್ಟಾಗ್ರಾಂನಲ್ಲಿ ಫೋಟೋ ಹಾಕಿ ಹಾರ್ದಿಕ್ ಪಾಂಡ್ಯಾ ಸಂಭ್ರಮಿಸಿದ್ದಾರೆ.
ಹಾರ್ದಿಕ್ ಪಾಂಡ್ಯಾ ಹಾಗೂ ರೂಪದರ್ಶಿ ನತಾಸಾ ನಡುವೆ ಪ್ರೇಮಾಂಕುರವಾಗಿ ಎಂಗೇಜ್ಮೆಂಟ್ ಕೂಡ ನಡೆದಿತ್ತು. ಆದ್ರೆ ಮದುವೆಯ ದಿನಾಂಕ ಪ್ರಕಟವಾಗಿರಲಿಲ್ಲ. ಈ ನಡುವೆ ಪಾಂಡ್ಯಾ ಅಪ್ಪನಾಗುವ ಸುದ್ದಿ ಪ್ರಕಟಿಸಿದ್ದರು. ಇತ್ತೀಚೆಗೆ ಪಾಂಡ್ಯಾ ಮತ್ತು ನತಾಶ ಪ್ರೆಗ್ನೆನ್ಸಿ ಫೋಟೋಶೂಟ್ ಕೂಡ ಮಾಡಿಸಿಕೊಂಡಿದ್ದರು. ಈಗ ಹಾರ್ದಿಕ್ ಮಗುವಿನ ಕೈ ಹಿಡಿದಿರುವ ಫೋಟೋಹಾಕಿ ಗಂಡುಮಗುವಿನ ಜನನವಾಗಿದೆ ಎಂದು ತಿಳಿಸಿದ್ದಾರೆ.
ಪಾಂಡ್ಯಾ ದಂತಿಗೆ ಕೋಚ್ ರವಿಶಾಸ್ತ್ರಿ, ನಾಯಕ ವಿರಾಟ್ ಕೊಹ್ಲಿ ಸೇರಿದಂತೆ ಹಲವರು ಶುಭಾಷಯ ಕೋರಿದ್ದಾರೆ. ಹಾರ್ದಿಕ್-ನತಾಶಾ ದಂಪತಿಗೆ ಅಭಿನಂದನೆಗಳನ್ನು ತಿಳಿಸಿ, ಉತ್ತಮ ಆರೋಗ್ಯ ದೇವರು ಕರುಣಿಸಲಿ ಎಂದು ಹಾರೈಸಿದ್ದಾರೆ.
