ಅಜ್ಜನ ಅಡುಗೆ ಖ್ಯಾತಿಯ ಯೂಟ್ಯೂಬ್​ ಸ್ಟಾರ್​ ನಾರಾಯಣ ರೆಡ್ಡಿ ನಿಧನ : ಅಜ್ಜನ ಜರ್ನಿಯ ಸ್ಪೆಷಲ್​ ಸ್ಟೋರಿ

ರೈಸಿಂಗ್ ಕನ್ನಡ : ಯೂಟ್ಯೂಬ್​ನಲ್ಲಿ ತನ್ನದೇ ಶೈಲಿಯ್ಲಿ ಸಂಚಲನ ಮೂಡಿಸಿದ್ದ ಅಜ್ಜನ ಅಡುಗೆ ಖ್ಯಾತಿಯ ನಾರಾಯಣ ರೆಡ್ಡಿ ನಿಧರಾಗಿದ್ದಾರೆ. ಹೊಸ ಟ್ರೆಂಡ್​ ಹುಟ್ಟುಹಾಕಿದ್ದ Grandpa Kitchen ಅಂದ್ರೆ ಅಜ್ಜನ ಅಡುಗೆ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಇವರು ಹೊಸ ಟ್ರೆಂಡ್​ ಸೃಷ್ಟಿ ಮಾಡಿದ್ದರು. 73 ವರ್ಷದ ನಾರಾಯಣ ರೆಡ್ಡಿ ವಯೋ ಸಹಜ ಸಮಸ್ಯೆಯಿಂದ ಅನಾರೋಗ್ಯಕ್ಕೆ ಇಡಾಗಿದ್ದರು.

ಸದಾ ಖುಷಿಯಾಗಿರಿ. ಪ್ರೀತಿಸಲು ಬದುಕಿ, ಗಳಿಸಿದ್ದನ್ನು ಹಂಚಿಕೊಳ್ಳಿ ಎನ್ನುತ್ತಲೇ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದವರು ನಾರಾಯಣ ರೆಡ್ಡಿ. ತಮ್ಮ ಯೂಟ್ಯೂಬ್​​ಗಳಲ್ಲಿ ಸದಾ ಖುಷಿಯನ್ನು ಹಂಚುತ್ತಿದ್ದವರು. Grandpa Kitchen ಹೆಸರಿನ ತಮ್ಮ ಯೂಟ್ಯೂಬ್​ ಚಾನಲ್​ಗೆ 60 ಲಕ್ಷಕ್ಕೂ ಹೆಚ್ಚು ಸಬ್​ ಸ್ಕ್ರೈಬರ್ ಹೊಂದಿದ್ದರು.

ಬಯಲಿನಲ್ಲಿ ಸೌದೆಯಲ್ಲಿ ಅಡುಗೆ

ಯೆಸ್​, ನಾರಾಯಣ ರೆಡ್ಡಿ ಶೈಲಿ ಪಕ್ಕಾ ಹಳ್ಳಿ ಸ್ಟೈಲ್​. ತೆರೆದ ಬಯಲಿನಲ್ಲಿ, ಸೌದೆ ಒಲೆಯಲ್ಲಿ ಅವರು ಸಂಪ್ರಾದಾಯಿಕ ಶೈಲಿಯಲ್ಲಿ ಅಡುಗೆ ಮಾಡ್ತಿದ್ರು. ಆಂಧ್ರ-ತೆಲಂಗಾಣ ತಿನಿಸುಗಳನ್ನು ಅಜ್ಜ ತಯಾರು ಮಾಡ್ತಿದ್ರು. ವಿಶೇಷ ಬಿರಿಯಾನಿ ಇವರ ಸ್ಪಷ್ಟಲ್ ಅಡುಗೆ. ಇದರ ಜೊತೆ ದೇಶಿ ಶೈಲಿಯಲ್ಲಿ ಫಿಜ್ಜಾ, ಬರ್ಗರ್, ಕೇಕ್​ ಸೇರಿದಂತೆ ವಿದೇಶಿ ತಿನಿಸುಗಳನ್ನೂ ದೇಶಿ ಶೈಲಿಯಲ್ಲಿ ಮಾಡ್ತಿದ್ರು.

ವಿಶೇಷ ಅಂದ್ರೆ, ಯೂಟ್ಯೂಬ್​​ನಲ್ಲಿ ರೆಸಿಪಿ ಹೇಳಿ ಕೊಡಲು ಬಳಸುತ್ತಿದ್ದ ದೊಡ್ಡ ಪ್ರಮಾಣದ ಆಹಾರ ಪದಾರ್ಥಗಳನ್ನು ಅನಾಥಾಶ್ರಮಗಳ ಮಕ್ಕಳಿಗೆ ಹಂಚಿಕೆ ಮಾಡ್ತಿದ್ರು.