ಸೋಂಕಿನಿಂದ ಗುಣಮುಖಳಾದ ಕೊರೊನಾ ವಾರಿಯರ್ – ಶಾಸಕ ಸೇರಿದಂತೆ ಆರೋಗ್ಯ ಇಲಾಖೆ ಸಿಬ್ಬಂದಿಯಿಂದ ಅಭೂತಪೂರ್ವ ಸ್ವಾಗತ

ರೈಸಿಂಗ್ ಕನ್ನಡ :

ನಾಗರಾಜ್ ವೈ, ಕೊಪ್ಪಳ :

ಕೊರೊನಾ ಸೋಂಕಿನಿಂದ ಗುಣಮುಖರಾದ ಆರೋಗ್ಯ ಇಲಾಖೆಯ ಸಿಬ್ಬಂದಿಗೆ ಅಭೂತಪೂರ್ವ ಸ್ವಾಗತ ಸಿಕ್ಕಿತ್ತು. ಇಂತದ್ದೊಂದು ಅಭೂತಪೂರ್ವ ಸ್ವಾಗತ ಗುಣಮುಖರಾದ ಯಾರಿಗೂ ಸಿಕ್ಕಿರಲಿಲ್ಲವೇನೋ. ಯಾಕಂದ್ರೆ, ಇವರು ಕೊರೊನಾ ವಾರಿಯರ್‌ ಆಗಿ ಕೆಲಸ ನಿರ್ವಹಿಸಿ, ಸೋಂಕಿತರಾಗಿದ್ದವರು.

ಇಲ್ಲಿನ ಕ್ವಾರಂಟೈನ್ ಕೇಂದ್ರವಾದ ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಯಿಂದ ಬಿಡುಗಡೆಯಾಗುವ ಸಂದರ್ಭದಲ್ಲಿ
ಶಾಸಕ ಪರಣ್ಣ ಮುನವಳ್ಳಿ ನೇತೃತ್ವದಲ್ಲಿ ಇಡೀ ಆರೋಗ್ಯ ಇಲಾಖೆ ಗಂಗಾವತಿ ತಾಲ್ಲೂಕಿನ ಸಿಬ್ಬಂದಿ ಅದರಲ್ಲೂ ಮುಖ್ಯವಾಗಿ ಉಪ ವಿಭಾಗ ಆಸ್ಪತ್ರೆಯ ಆಡಳಿತಾಧಿಕಾರಿ ಈಶ್ವರ ಸವುಡಿ, ತಾಲ್ಲೂಕು ಆರೋಗ್ಯಾಧಿಕಾರಿ ಶರಣಪ್ಪ ಸೇರಿದಂತೆ 150 ಜನ ಸಿಬ್ಬಂದಿ ಚಪ್ಪಾಳೆ ತಟ್ಟಿ ಸ್ವಾಗತಿಸಿ ಅಭೂತಪೂರ್ವ ಕ್ಷಣಕ್ಕೆ ಸಾಕ್ಷಿಯಾದರು.
ಅಲ್ಲದೇ ನರ್ಸ್‌ಗೆ ಸಹೋದ್ಯೋಗಿಗಳು ಪುಷ್ಪ ಮಳೆ ಸುರಿಸಿ ಸ್ವಾಗರಿಸಿದರು.