ಜಿಯೋ ಜೊತೆ ಕೈ ಸೇರಿಸಿದ ಗೂಗಲ್- ಟೆಲಿಕಾಂ ಕ್ಷೇತ್ರದಲ್ಲಿ 33ಸಾವಿರ ಕೋಟಿ ಹೂಡಿಕೆ – ಮುಂದಿನ ವರ್ಷ ಮಾರ್ಕೆಟ್​ಗೆ ಎಂಟ್ರಿಕೊಡಲಿದೆ 5ಜಿ ಫೋನ್

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಭಾರತೀಯ ಟೆಲಿಕಾಂ ಕ್ಷೇತ್ರದಲ್ಲಿ ಕ್ರಾಂತಿಯ ಹೆಜ್ಜೆ ಇಟ್ಟಿದ್ದ ಜಿಯೋ ಈಗ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಿದೆ. ವಿಶ್ವದ ಶ್ರೇಷ್ಠ ಕಂಪನಿಗಳ ಪೈಕಿ ಅಗ್ರಗಣ್ಯವಾಗಿರುವ ಗೂಗಲ್ ಜೊತೆ ದೋಸ್ತಿ ಬೆಳೆಸಿದೆ. ಜಿಯೋ ಸಂಸ್ಥೆಯಲ್ಲಿ ಗೂಗಲ್ 33,000 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದ್ದು ರಿಲಾಯನ್ಸ್ ಇಂಡಸ್ಟ್ರೀಸ್ ಟೆಕ್ನಾಲಜಿಯಲ್ಲಿ ಗೂಗಲ್​ ಶೇಕಡಾ 7.7 ರಷ್ಟು ಷೇರುಗಳನ್ನು ಪಡೆಯಲಿದೆ ಎಂದು ರಿಲಾಯನ್ಸ್ ಮುಖ್ಯಸ್ಥ ಮುಖೇಶ್ ಅಂಬಾನಿ ಘೋಷಿಸಿದ್ದಾರೆ.

ಮಂಗಳವಾರ ನಡೆದ ರಿಲಯನ್ಸ್​​ 43ನೇ ಜನರಲ್​ ಬಾಡಿ ಮೀಟಿಂಗ್​ನಲ್ಲಿ ಅಂಬಾನಿ ಈ ವಿಷಯ ಘೋಷಿಸಿದರು. ಅಷ್ಟೇ ಅಲ್ಲ ಮುಂದಿನ ವರ್ಷ ಗೂಗಲ್​ ಜೊತೆಗೂಡಿ ಮೇಡ್​ ಇನ್​ ಇಂಡಿಯಾ ಯೋಜನೆಯಡಿ 5ಜಿ ನೆಟ್​​ವರ್ಕ್​ಗೆ ಹೊಂದಿಕೊಳ್ಳುವ ಸ್ಮಾರ್ಟ್​ ಫೋನ್​ ಬಿಡುಗಡೆ ಮಾಡುವ ಯೋಜನೆ ಕೂಡ ಹಾಕಿಕೊಂಡಿದೆ ಎಂದು ತಿಳಿಸಿದರು.  

ಹೊಸ 5ಜಿ ಬೆಂಬಲಿತ ಸ್ಮಾರ್ಟ್​ಫೋನ್​ ಗೂಗಲ್​ ಜೊತೆಗೂಡಿ ಆಂಡ್ರಾಯ್ಡ್​ ಫ್ಲಾಟ್​ಫಾರ್ಮ್​ನಲ್ಲಿ ಕೆಲಸ ಮಾಡಲಿದೆ.  ಜಿಯೋ ಇಲ್ಲಿ ತನಕ 10 ಮಿಲಿಯನ್​ಗೂ ಅಧಿಕ  ಕಡಿಮೆ ಬೆಲೆಯ ಸ್ಮಾರ್ಟ್​ಫೋನ್​ಗಳನ್ನು ಜನರಿಗೆ ಒದಗಿಸಿದೆ. ಜಿಯೋ ಮೂಲಕ ಜನರು ಸಾಮಾನ್ಯ ಫೋನ್​ನಿಂದ ಸ್ಮಾರ್ಟ್​ ಫೋನ್​ಗೆ ಅಪ್​ಡೇಟ್​ ಆಗಲು ಸಹಾಯಕವಾಗಿದೆ ಎಂದು ಮುಕೇಶ್​ ಅಂಬಾನಿ ಸಾಮಾನ್ಯ ಸಭೆಯಲ್ಲಿ ಘೋಷಿಸಿದರು.