Featured
ರಷ್ಯಾ ಕೊರೊನಾ ಲಸಿಕೆ ವಿರುದ್ಧ ಜರ್ಮನಿ ಕಿಡಿ- ಸ್ಪುಟ್ನಿಕ್ ಬಗ್ಗೆ ದಾಖಲೆ ಕೇಳಿದ WHO
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ವಿಶ್ವದ ಮೊದಲ ಕೊರೊನಾ ಲಸಿಕೆ ಸ್ಪುಟ್ನಿಕ್ ಬಳಕೆಯನ್ನು ರಷ್ಯಾ ಆರಂಭಿಸಿದೆ. ಮಹಾಮಾರಿ ಕೊರೊನಾ ವಿರುದ್ಧದ ಈ ಮೊತ್ತ ಮೊದಲ ಲಸಿಕೆ ಜಗತ್ತಿನ ಗಮನಸೆಳೆದಿದೆ. ಆದ್ರೆ ರಷ್ಯಾದ ಸ್ಪುಟ್ನಿಕ್ ಗುಣಮಟ್ಟದ ಮೇಲೆ ಜರ್ಮನಿ ಅನುಮಾನ ವ್ಯಕ್ತಪಡಿಸಿದೆ. ಮಾನವವ ಮೇಲೆ ಪ್ರಯೋಗ ಮಾಡದೆ, ಸೂಕ್ತ ದಾಖಲೆಗಳನ್ನು ನೀಡದೆ ರಷ್ಯಾ ಈ ಲಸಿಕೆಯನ್ನು ಹೇಗೆ ಬಳಸುತ್ತಿದೆ ಎಂದು ಜರ್ಮನಿ ಪ್ರಶ್ನೆ ಮಾಡಿದೆ.
ಕೊರೊನಾ ಸೋಂಕಿತರನ್ನು ರಕ್ಷಣೆ ಮಾಡುವುದು ಅತೀ ಮುಖ್ಯ. ರಷ್ಯಾದ ಸ್ಪುಟ್ನಿಕ್ ಲಸಿಕೆಯ ಪ್ರಯೋಗದ ಬಗ್ಗೆ ಯಾವುದೇ ದಾಖಲೆಗಳಿಲ್ಲ. ಅಷ್ಟೇ ಅಲ್ಲ ಹ್ಯೂಮನ್ ಟ್ರಯಲ್ ಬಗ್ಗೆ ದಾಖಲೆಗಳೂ ಇಲ್ಲ. ಹೀಗಾಗಿ ಇದರ ಬಗ್ಗೆ ಅನುಮಾನವಿದೆ.
- ಜರ್ಮನಿಯ ಆರೋಗ್ಯ ಇಲಾಖೆ ವಕ್ತಾರ
ರಷ್ಯಾ ಲಸಿಕೆಯ ಗುಣಮಟ್ಟ ಹಾಗೂ ರೋಗಿಯ ಭದ್ರತೆ ಕುರಿತು ಗೊಂದಲಗಳಿದ್ದು, ಈ ಎಲ್ಲಾ ಗೊಂದಲಗಳನ್ನು ರಷ್ಯಾ ಬಗೆಹರಿಸಬೇಕು ಎಂದು ಜರ್ಮನಿ ಒತ್ತಾಯಿಸಿದೆ. ಈ ಮಧ್ಯೆ ವಿಶ್ವ ಆರೋಗ್ಯ ಸಂಸ್ಥೆ ಕೂಡ ರಷ್ಯಾದ ಜೊತೆ ಮಾತುಕತೆ ನಡೆಸುತ್ತಿದೆ. ಲಸಿಕೆಯ ಸುರಕ್ಷತೆ ಹಾಗೂ ಪ್ರಯೋಗದ ದಾಖಲೆಗಳನ್ನು ಒದಗಿಸುವಂತೆ ರಷ್ಯಾವನ್ನು WHO ಒತ್ತಾಯಿಸಿದೆ.
