ಫೇಸ್ ಬುಕ್‌ನಲ್ಲಿ ಸಿನಿಮಾ, ದೂರು ಕೊಡೋಕೆ ಮುಂದಾಗ ‘ಜಂಟಲ್‌ಮ್ಯಾನ್’

ರೈಸಿಂಗ್ ಕನ್ನಡ :

ಪ್ರಜ್ವಲ್ ದೇವರಾಜ್ ಅಭಿನಯದ ಜಂಟಲ್‌ಮ್ಯಾನ್ ಚಿತ್ರ ಇದೇ ಫೆಬ್ರವರಿ 7ರಂದು ರಿಲೀಸ್ ಆಗಿತ್ತು. ಮೆಡಿಕಲ್ ಮಾಫಿಯಾ ಕುರಿತು ಒಂದೊಳ್ಳೆ ಸಂದೇಶ ನೀಡಿತ್ತು. ಪ್ರಜ್ವಲ್ ಕರಿಯರ್‌ನಲ್ಲೇ ಮೈಲುಗಲ್ಲು ಸೃಷ್ಠಿಸೋ ಚಿತ್ರ ಎನ್ನಲಾಗಿತ್ತು. ಆದ್ರೆ ಅಂದುಕೊಂಡ ಯಶಸ್ಸು ಸಿಗಲಿಲ್ಲ. ಲಾಕ್‌ಡೌನ್‌ನಿಂದಾಗಿ ಮತ್ತಷ್ಟು ಸಂಕಷ್ಟ ಎದುರಾಯ್ತು.  ಚಿತ್ರದ ಡಿಜಿಟಲ್‌ ರೈಟ್ಸ್ ಕೂಡ ಮಾರಾಟವಾಗಿದೆ. ಖಾಸಗಿ ವಾಹಿನಿಯಲ್ಲಿ ಚಿತ್ರ ಪ್ರಸಾರವಾಗುತ್ತಿದ್ದಂತೆ, ಕಿಡಿಗೇಡಿಗಳು ಫೇಸ್‌ಬುಕ್‌ನಲ್ಲಿ ಚಿತ್ರವನ್ನ ಅಪ್‌ಲೋಡ್ ಮಾಡಿದ್ದಾರೆ.

ಇದು ಶಿಕ್ಷಾರ್ಹ ಅಪರಾದ. ಗೂಂಡಾ ಕಾಯ್ದೆ ಪ್ರಕಾರ ಕ್ರಿಮಿನಲ್ ಕೇಸ್ ಹಾಕಬಹುದು. ಇದರಿಂದ ನೊಂದ ಚಿತ್ರತಂಡ ದೂರು ಕೊಡಲು ಮುಂದಾಗಿದೆ. ಈಗಾಗಲೇ ಫೇಸ್‌ಬುಕ್‌ನಲ್ಲಿ ಶೇರ್ ಆಗಿರೋ ಲಿಂಕ್‌ಗಳನ್ನ ಡಿಲೀಟ್ ಮಾಡಲಾಗಿದೆ. ಈ ಬೆಳವಣಿಗೆಯಿಂದ ಬೇಸರಗೊಂಡಿರುವ ನಿರ್ದೇಶಕ ಗುರು ದೇಶಪಾಂಡೆ, ಇಂತಹ ಬೆಳವಣಿಗೆಗಳು ಸರಿಯಲ್ಲ ಎಂದಿದ್ದಾರೆ.