Featured
ಅಲ್ಪ ಮಳೆಗೆ ಚರಂಡಿ ತ್ಯಾಜ್ಯ ರಸ್ತೆಗೆ : ಸ್ವಚ್ಛ ಮಾಡಿದ ತಾಂಡ ಜನ
ರೈಸಿಂಗ್ ಕನ್ನಡ :
ಲಿಂಗಸುಗೂರು :
ಸಂಜೆ ಸುರಿದ ಅಲ್ಪಮಳೆಗೆ ಚರಂಡಿಯಲ್ಲಿರುವ ತ್ಯಾಜ್ಯವೆಲ್ಲ ರಸ್ತೆಯ ಮೇಲೆ ಬಂದು ಕಸದ ರಾಶಿ ತುಂಬಿದ ಘಟನೆ ಜಿಲ್ಲೆಯ ಮಸ್ಕಿ ತಾಲ್ಲೂಕಿನ ಮಾರಲದಿನ್ನಿ ತಾಂಡದಲ್ಲಿ ನಡೆದಿದೆ.
ರಾಯಚೂರು ಜಿಲ್ಲೆಯ ಮಸ್ಕಿ ತಾಲೂಕಿನ ವಿಧಾನ ಸಭೆ ಕ್ಷೇತ್ರದಲ್ಲೆ ಅತೀ ದೊಡ್ಡ ತಾಂಡವಿದ್ದು ಮಾರಲದಿನ್ನಿ ತಾಂಡದಲ್ಲಿ ಚರಂಡಿ ಸಮಸ್ಯೆ ಬಹುದೊಡ್ಡ ಸಮಸ್ಯೆಯಾಗಿ ಪರಿಣಿಮಿಸಿದೆ. ಅಲ್ಪ ಮಳೆ ಬಂದರೂ ಚರಂಡಿ ನೀರು ರಸ್ತೆ ಮೇಲೆ ಹರಿದು ರಸ್ತೆ ಸಂಪೂರ್ಣ ಹಾಳಾಗುತ್ತದೆ.
ಕಳೆದ ಆರು ತಿಂಗಳಿನಿಂದ ಚರಂಡಿ ಕಸ ಕಡ್ಡಿಯಿಂದ ತುಂಬಿರುವ ಹಿನ್ನಲೆಯಲ್ಲಿ ಚರಂಡಿ ನೀರು ರಸ್ತೆ ಮೇಲೆ ಹರಿದು ರಸ್ತೆ ಕಾಣದಂತಾಗಿದೆ. ಇದರಿಂದ ಜಮೀನಿಗೆ ಹಾಗೂ ಶಾಲಾ ಕಾಲೇಜಿಗೆ ತೆರಳುವ ವಿದ್ಯಾರ್ಥಿಗಳಿಗೆ,ರೈತರಿಗೆ ಕಿರಿಕಿರಿ ಉಂಟಾಗಿದೆ. ಅದಲ್ಲದೆ ಕಳೆದ ಆರು ತಿಂಗಳುಗಳಿಂದ ಚರಂಡಿಯಲ್ಲಿ ಕಸ ತುಂಬಿ ಗಬ್ಬು ನಾರುತ್ತಿದೆ.
ಜನರು ಮೂಗು ಮುಚ್ಚಿಕೊಂಡು ಓಡಾಡುತ್ತಿದ್ದಾರೆ. ಇಂದು ಜೋರಾಗಿ ಸುರಿದ ಮಳೆಗೆ ಚರಂಡಿಯಲ್ಲಿನ ತ್ಯಾಜ್ಯ ರಸ್ತೆ ಮೇಲೆ ಹರಿದು ಬಂದು ಮುಖ್ಯ ರಸ್ತೆ ಬಂದಾಗಿದೆ. ಸಂಬಂಧಿಸಿದ ಗ್ರಾಪಂ ಅಧಿಕಾರಿಗಳು ರಸ್ತೆ ಮೇಲೆ ಹರಿದಿರುವ ಕಸವನ್ನು ವಿಲೇವಾರಿ ಮಾಡಿಸಬೇಕು.
ಬಹಳ ತಿಂಗಳುಗಳಿಂದ ಕಾಡುತ್ತಿರುವಚರಂಡಿ ಸಮಸ್ಯೆಯನ್ನು ನೀಗಿಸಬೇಕೆಂದು ಸಾಕಷ್ಟು ಬಾರಿ ತಾಂಡಾದ ಜನತೆ ಮನವಿ ಮಾಡಿದ್ದರೂ ಯಾರೂ ಕಿವಿಗೊಡುತ್ತಿಲ್ಲ. ಹಾಗಾಗಿ ಇಂದು ತಾಂಡದ ಜನರೆ ರಸ್ತೆಗೆ ಬಿದ್ದ ತ್ಯಾಜ್ಯವನ್ನು ಸ್ವಚ್ಛ ಮಾಡಿದ್ದಾರೆ.
