ಬಕೆಟ್​ನಲ್ಲಿ ಗಣೇಶ ವಿಸರ್ಜನೆ: ಪರಿಸರ ಪ್ರೇಮ ಮೆರೆದ ವಿಜಯಪುರದ ಜನ

ರೈಸಿಂಗ್​ ಕನ್ನಡ :

ವಿಜಯಪುರ :

ಕಳೆದ ಐದು ದಿನಗಳಿಂದ ಭಕ್ತರ ಮನೆಯಲ್ಲಿ ವಿರಾಜಮಾನನಾಗಿ ಮನೆ ಮಂದಿಗೆಲ್ಲಾ ಹರಸಿದ ಗಣೇಶನಿಗೆ ವಿಜಯಪುರ ನಗರದಲ್ಲಿ ವಿಜೃಂಭಣೆಯ 5ನೇ ದಿನದ ಗಣೇಶ ವಿಸರ್ಜನೆ ಕಾರ್ಯಕ್ರಮ ನಡೆಯಿತು.

ಈ ಬಾರಿ ವಿಜಯಪುರ ನಗರದಲ್ಲಿ ಹಲವರು ಪರಿಸರ ಸ್ನೇಹಿ ಗಣೇಶೋತ್ಸವ ಆಚರಿಸಿ ಪರಿಸರ ಪ್ರಜ್ಞೆ ಮೆರೆದಿದ್ದಾರೆ. ನಗರದ ಹಲವೆಡೆ ಮನೆಗಳಲ್ಲಿ ಕೂರಿಸಿದ ಗಣೇಶ ಮೂರ್ತಿಗಳ ೫ ದಿನದ ಗಣೇಶ ವಿಸರ್ಜನೆಯನ್ನು ಮನೆ ಯಲ್ಲಿಯೇ ಬಕೆಟ್ ನಲ್ಲಿ ಗಣೇಶ ಮೂರ್ತಿಗಳ ವಿಸರ್ಜನೆ ಮಾಡಿ ಪರಿಸರ ಪ್ರೇಮ ಮೆರದಿದ್ದಾರೆ.

ಜಲಮೂಲ ಸಂರಕ್ಷಿಸಲು ಪರಿಸರ ಸ್ನೇಹಿ ಮಣ್ಣಿನ ಗಣಪ ಮೂರ್ತಿಗಳನ್ನು ಪ್ರತಿಷ್ಠಾಪಿಸಿ ಪೂಜಿಸಲಾಗಿತ್ತು. ಕೆಲವೆಡೆ ಮಹಾನಗರ ಪಾಲಿಕೆ ವತಿಯಿಂದ ನಿರ್ಮಿಸಲಾದ ಕೃತಕ ಹೊಂಡಗಳಲ್ಲಿ ಗಣೇಶ ಮೂರ್ತಿಗಳನ್ನು ವಿಸರ್ಜನೆ ಮಾಡಲಾಯಿತು.

ಈ ಸಂದರ್ಭದಲ್ಲಿ ಕಾಲನಿಯ ಮಹಿಳೆಯರು ಮಕ್ಕಳು ಸೇರಿ ಗಣೇಶನಿಗೆ ವಿದಾಯ ಹೇಳಿದ್ರು‌‌.ಅಲ್ಲದೆ ಮುಂದಿನ ವರ್ಷ ಬೇಗ ಬಾ ಗಣೇಶ ಎಂದು ಪ್ರಾರ್ಥಿಸೊದ್ರ ಜೊತೆಗೆ ಕೊರೊನಾ ಗೆ ಬೇಗ ಲಸಿಕೆ ಸಿಗಲಿ ಎಂಬ ಪ್ರಾರ್ಥನೆ ಯೊಂದಿಗೆ ಗಣೇಶನಿಗೆ ವಿದಾಯ ಹೇಳಿದರು.