Featured
ಗಲ್ವಾನ್ ಗಲಾಟೆ ಇತಿಹಾಸದ ಸಣ್ಣ ಕ್ಷಣಮಾತ್ರ-ಅಚ್ಚರಿ ಮೂಡಿಸಿದ ಚೀನಾ ರಾಯಬಾರಿ ಹೇಳಿಕೆ
ರೈಸಿಂಗ್ ಕನ್ನಡ ನ್ಯೂಸ್ ಡೆಸ್ಕ್:
ಭಾರತ ಮತ್ತು ಚೀನಾ ನಡುವೆ ಗಡಿ ಗಲಾಟೆ ನಡೆಯುತ್ತಲೇ ಇದೆ. ಈ ಮಧ್ಯೆ ಚೀನಾ ಭಾರತದ ವಿರುದ್ಧದ ಧ್ವನಿಯನ್ನು ಕೊಂಚ ಮೆತ್ತಗೆ ಮಾಡಿದೆ. ಕಳೆದ ತಿಂಗಳು ಗಲ್ವಾನ್ನಲ್ಲಿ ಭಾರತ ಮತ್ತು ಚೀನಾ ಸೈನಿಕರ ನಡುವೆ ದೈಹಿಕ ಗುದ್ದಾಟ ಇತಿಹಾಸದ ಸಣ್ಣ ಕ್ಷಣವಷ್ಟೇ ಎಂದು ಚೀನಾ ರಾಯಬಾರಿ ಹೇಳಿದ್ದಾರೆ. ಭಾರತ, ಚೀನಾ ಜೊತೆಗಿನ ಭಿನ್ನಾಭಿಪ್ರಾಯಗಳನ್ನು ಪಕ್ಕಕ್ಕೆ ಇಡಬೇಕು ಎಂದು ಹೇಳಿದೆ.
ಚೀನಾ ಮತ್ತು ಭಾರತದ ಸಂಸ್ಕೃತಿಗೆ ತನ್ನದೇ ಆದ ಇತಿಹಾಸವಿದೆ. ಹೀಗಾಗಿ ಎರಡೂ ದೇಶಗಳನ್ನು ಅದನ್ನು ಗೌರವಿಸಬೇಕು. ಭಿನ್ನಾಭಿಪ್ರಾಯ ವಿಷಯಗಳಲ್ಲಿ ಸಮಾನ ಅಂಶಗಳನ್ನು ಪರಿಗಣಿಸಬೇಕು ಎಂದು ಚೀನಾ ರಾಯಭಾರಿ ಸನ್ ವೀಡಾಂಗ್ ವಿದ್ಯಾರ್ಥಿ-ಶಿಕ್ಷಕುಗಳ ಸಂವಾದದಲ್ಲಿ ತಿಳಿಸಿದ್ದಾರೆ.
ಗಲ್ವಾನ್ ಘರ್ಷಣೆ ಬಳಿಕ ಭಾರತ ಮತ್ತು ಚೀನಾ ಗಡಿಯಲ್ಲಿ ಯುದ್ಧದ ವಾತಾವರಣ ನಿರ್ಮಾಣವಾಗಿತ್ತು. ಆದ್ರೆ ಬಳಿಕ ಪರಿಸ್ಥಿತಿ ತಿಳಿಗೊಂಡರೂ ಎರಡೂ ದೇಶಗಳ ನಡುವೆ ಶೀತಲ ಸಮರವಂತೂ ನಡೆಯುತ್ತಿದೆ.
