#FreeTheNipple : ಮಹಿಳೆಯರು ಟಾಪ್​​ಲೆಸ್​​ ಆಗಿ ಬ್ರಾ ಇಲ್ಲದೇ ತಿರುಗಬಹುದು : ಕೋರ್ಟ್​ ಗ್ರೀನ್​ ಸಿಗ್ನಲ್​..!

ರೈಸಿಂಗ್ ಕನ್ನಡ : ಇದು ಅಚ್ಚರಿಯಾದ್ರೂ ಸತ್ಯ. ಇನ್ಮುಂದೆ ಮಹಿಳೆಯರು ಕೂಡ ಪುರುಷರಂತೆ, ಟಾಪ್​ಲೆಸ್​ ಆಗಿ, ಬ್ರಾ ಕೂಡ ಹಾಕದೇ ಸಾವರ್ಜನಿಕವಾಗಿ ಓಡಾಡಬಹುದು. ಹೀಗಂತ ಅಮೆರಿಕದ ಕೋರ್ಟ್​​ ಆದೇಶ ನೀಡಿದೆ. ಅಮೆರಿಕದ ಉಟಾ, ಕೊಲರಾಡೋ, ಹೋಮಿಂಗ್​, ನ್ಯೂಮೆಕ್ಸಿಕೋ, ಕನ್ಸಾಸ್​, ಒಕ್ಲಹೋಮಾ ರಾಜ್ಯಗಳಲ್ಲಿ ಇನ್ಮುಂದೆ ಮಹಿಳೆಯರು ಹೀಗೆ ಟಾಪ್​ಲೆಸ್​ ಆಗಿ ತಿರುಗಬಹುದು ಎಂದು ಕೋರ್ಟ್​ ಹೇಳಿದೆ.

ಇಷ್ಟಕ್ಕೂ ಈ ರೀತಿಯ ತೀರ್ಪು ಕೊಟ್ಟಿದ್ದು ಯಾಕೆ ಅಂದ್ರೆ, #FreeTheNepple ಅನ್ನೋ ಹೋರಾಟ ಬಹಳ ದಿನಗಳಿಂದ ನಡೆಯುತ್ತಿತ್ತು. ಮಹಿಳೆಯರಿಗೆ ಸಾರ್ವಜನಿಕವಾಗಿ ಟಾಪ್​ಲೆಸ್​​ ಆಗಿ ತಿರುಗಲು ಅವಕಾಶ ಇಲ್ಲದೇ ಇರೋದು, ಅವರ ಹಕ್ಕು ಹಾಗೂ ಲಿಂಗ ಸಮಾನತೆಗೆ ವಿರುದ್ಧವಾದದ್ದು. ಹೀಗಾಗಿ, ಪುರುಷರಂತೆ ಮಹಿಳೆಯರಿಗೂ ಟಾಪ್​ ಲೆಸ್ ಆಗಿ ಓಡಾಡಲು ಅವಕಾಶ ನೀಡಬೇಕು ಎಂದು ಇಬ್ಬರು ಮಹಿಳೆಯರು ಕೋರ್ಟ್​ ಮೆಟ್ಟಿಲೇರಿದ್ದರು.

ಪ್ಲೆಯಿಂಟಿಫ್ಸ್​​ ಬ್ರಿಟ್​​ ಹೋಗ್​ಲ್ಯಾಂಡ್​​, ಸಮಂತಾ ಸಿಕ್ಸ್​​ ಅನ್ನೋ ಇಬ್ಬರು ಮಹಿಳೆಯರು ಈ ಸಂಬಂಧ ಕೋರ್ಟ್​​​ನಲ್ಲಿ ದೂರು ದಾಖಲಿಸಿದ್ರು. ಈ ಸಂಬಂಧ ವಾದ ಮಂಡಿಸಿದ ಇಬ್ಬರು ಮಹಿಳೆಯರು, ಬೇಸಿಗೆಯಲ್ಲಿ ಪುರುಷರು ತಮಗೆ ಇಷ್ಟ ಬಂದಂತೆ ಶರ್ಟ್​​ ಬಿಚ್ಚಿ ಓಡಾಡ್ತಾರೆ. ಅವರಿಗೆ ಇಷ್ಟ ಬಂದಂತೆ ಇರ್ತಾರೆ. ಆದ್ರೆ, ಮಹಿಳೆಯರಿಗೆ ಮಾತ್ರ ಯಾಕೆ ಕಟ್ಟುಪಾಡು. ಪುರುಷರು, ಸ್ತ್ರೀಯರ ಮಧ್ಯೆ ಲಿಂಗಬೇಧ ಯಾಕೆ..? ಎಂದು ಪ್ರಶ್ನೆ ಮಾಡಿದ್ರು.

ಕೊನೆಗೆ ಮಹಿಳೆಯರ ವಾದಕ್ಕೆ ಒಪ್ಪಿದ ಕೋರ್ಟ್​​, ಮಹಿಳೆಯರಿಗೆ ಟಾಪ್​ ಲೆಸ್​ ಆಗಿ ಓಡಾಡಲು ಅವಕಾಶ ನೀಡದ ಹಿನ್ನೆಲೆಯಲ್ಲಿ ಅವರ ದೇಹ ಮತ್ತು ಸ್ತನಗಳು ಕೇವಲ ಶೃಂಗಾರಕ್ಕೆ ಸೀಮಿತ ಅನ್ನೋ ಭಾವನೆ ಬಂದಿದೆ. ಈ ಅಭಿಪ್ರಾಯದಿಂದ ಜನ ಹೊರಗೆ ಬರಬೇಕು. ಇದಕ್ಕಾಗಿ ಮಹಿಳೆಯರು ಟಾಪ್​ಲೆಸ್​ ಆಗಿ ಸಾವರ್ಜನಿಕವಾಗಿ ತಿರುಗಬಹುದು ಎಂದು ಕೋರ್ಟ್​ ಅಭಿಪ್ರಾಯ ಪಟ್ಟಿದೆ. ಇದೀಗ, ಸ್ಥಳೀಯ ಕೋರ್ಟ್​ ಆದೇಶವನ್ನ ಪ್ರಶ್ನಿಸಿ, ಸ್ಥಳೀಯ ಸರ್ಕಾರ ಸುಪ್ರೀಂಕೋರ್ಟ್​ ಮೆಟ್ಟಿಲೇರಲು ಸಿದ್ಧತೆ ನಡೆಸಿದೆ.