ಜಗತ್ತಿನ ಪ್ರಖ್ಯಾತ ಬಿಡ್ಡರ್ ರಿಚರ್ಡ್ ಮೆಡ್ಲೆ ಐಪಿಎಲ್ ಜೊತೆಗೆ ವಿಶೇಷ ನಂಟು ಹೊಂದಿದ್ದಾರೆ. 2008ರಲ್ಲಿ ಮೊಟ್ಟ ಮೊದಲ ಬಾರಿಗೆ ನಡೆದಿದ್ದ ಹರಾಜನ್ನು ನಡೆಸಿಕೊಟ್ಟವರು ಸಹ ಇವರೇ. 2018ರಲ್ಲಿ ಇವರ ಸ್ಥಾನಕ್ಕೆ ಹ್ಯೂ ಎಡಿಮಿಡಿಸ್ ನೇಮಕವಾಗಿತ್ತು. ಅಲ್ಲಿಯವರೆಗೆ ಅವರೇ ಹರಾಜು ಪ್ರಕ್ರಿಯೆ ನಡೆಸಿ ಕೊಡುತ್ತಿದ್ದರು.
ಐಪಿಎಲ್ ನ 16ನೇ ಆವೃತ್ತಿಯ ಸಂದರ್ಭದಲ್ಲಿ ಮೆಡ್ಲೆ ಹಳೆಯ ಫೋಟೋ ಹಂಚಿಕೊಂಡಿದ್ದು, ಅದರಲ್ಲಿ ಧೋನಿ, ಶೇನ್ ವಾರ್ನ್ ಗೆ ಇದ್ದ ಆರಂಭಿಕ ಬೆಲೆಯನ್ನು ನಮೂದಿಸಲಾಗಿದೆ. ಅಲ್ಲದೇ, ಸಾಮಾಜಿಕ ಜಾಲತಾಣದ ಬಳಕೆದಾರರು ಆಗ ನಡೆದಿದ್ದ ಹರಾಜಿನಲ್ಲಿ ಯಾವ ತಂಡಗಳು ಎಷ್ಟು ಹಣ ಕೊಟ್ಟು ಯಾವ ಆಟಗಾರರನ್ನು ಖರೀದಿಸಿದ್ದವು ಎಂದು ಊಹಿಸಿ ಎಂಬ ಮನವಿ ಮಾಡಿದ್ದರು.
ರಿಚರ್ಡ್ ಮೆಡ್ಲೆ ಹಂಚಿಕೊಂಡಿರುವ ಫೋಟೋದಲ್ಲಿ ಶೇನ್ ವಾರ್ನ್ ಗೆ ನಾಲ್ಕೂವರೆ ಲಕ್ಷ ಡಾಲರ್, ಧೋನಿಗೆ 4 ಲಕ್ಷ ಡಾಲರ್, ಆ್ಯಡಂ ಗಿಲ್ ಕ್ರಿಸ್ಟ್ಗೆ 3 ಲಕ್ಷ ಡಾಲರ್, ಶೋಯಬ್ ಅಖ್ತರ್, ಮಹೇಲಾ ಜಯವರ್ಧನೆ, ಮುತ್ತಯ್ಯ ಮರಳೀಧರನ್ ಗೆ ತಲಾ ಎರಡೂವರೆ ಲಕ್ಷ ಡಾಲರ್ ಆರಭಿಕ ಬೆಲೆಯನ್ನು ಐಪಿಎಲ್ ಸಮಿತಿ ನಿಗದಿ ಪಡಿಸಿತ್ತು. ಆಗ ನಡೆದಿದ್ದ ಹರಾಜು ಪ್ರಕ್ರಿಯೆಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಬರೋಬ್ಬರಿ 6 ಕೋಟಿ ರೂಪಾಯಿ ಅಥವಾ 15 ಲಕ್ಷ ಡಾಲರ್ ನೀಡಿ ಧೋನಿಯನ್ನ ಕೊಂಡು ಕೊಂಡಿತ್ತು.
