ಅಹಮದಾಬಾದ್​ನ ಕೋವಿಡ್ 19 ಆಸ್ಪತ್ರೆಯಲ್ಲಿ ಅಗ್ನಿ ಅವಘಡ : 8 ಸೋಂಕಿತರ ಸಜೀವ ದಹನ : 40 ಮಂದಿ ಸುರಕ್ಷಿತ

ರೈಸಿಂಗ್ ಕನ್ನಡ :

ನ್ಯೂಸ್​ ಡೆಸ್ಕ್ :

ಕೋವಿಡ್​ 19 ಆಸ್ಪತ್ರೆಯಲ್ಲಿ ರಾತ್ರಿ ಅಗ್ನಿ ಭಾರೀ ಅಗ್ನಿ ಅವಘಡ ಸಂಭವಿಸಿದ ಪರಿಣಾಮ 8 ಮಂದಿ ರೋಗಿಗಳು ಸಾವನಪ್ಪಿದ ಘಟನೆ ಅಹಮದಾಬಾದ್​ನ ನವರಂಗಪುರದಲ್ಲಿ ನಡೆದಿದೆ. 

ಇಲ್ಲಿನ ಶ್ರೇಯ್​ ಆಸ್ಪತ್ರೆಯ ನಾಲ್ಕನೆ ಮಹಡಿಯಲ್ಲಿನ ಇಂಟೆನ್ಸಿವ್​ ಕೇರ್ ಯುನಿಟ್​ (ಐಸಿಯು)ವಿನಲ್ಲಿ ಅಗ್ನಿ ದುರಂತ  ಸಂಭವಿಸಿದೆ.  ತಕ್ಷಣವೇ ಕಾರ್ಯಪ್ರವೃತ್ತರಾದ ಅಗ್ನಿ ಶಾಮಕ ದಳ ಕಾರ್ಯಾಚರಣೆ ನಡೆಸಿದರು. ಆದರೆ ಬೆಂಕಿಯಲ್ಲಿ ಸಿಲುಕಿದ 8 ಮಂದಿ ಸಜೀವ ದಹನವಾದರು.

40 ರೋಗಿಗಳನ್ನ ಸ್ಥಳಾಂತರ ಮಾಡುವಲ್ಲಿ ಯಶಸ್ವಿಯಾದರು.  ಅಗ್ನಿ ದುರಂತಕ್ಕೆ ನಿಖರ ಕಾರಣ ತಿಳಿದು ಬಂದಿಲ್ಲ. ಗುಜರಾತ್ ಸಿ.ಎಂ. ವಿಜಯ್​ ರೂಪಾನಿ ತನಿಖೆಗೆ ಆದೇಶಿಸಿದ್ದಾರೆ.

ರಾಜ್ಯ ಗೃಹ ಇಲಾಖೆಯ ಕಾರ್ಯದರ್ಶಿ ಸಂಗೀತಾ ಸಿಂಗ್ ತನಿಖೆಯ ಉಸ್ತುವಾರಿ ಹೊತ್ತಿದ್ದು ಮೂರು ದಿನಗೊಳಗೆ ವರದಿ ಸಲ್ಲಿಸುವಂತೆ ಸೂಚಿಸಲಾಗಿದೆ.

ಪ್ರಧಾನಿ ನರೇಂದ್ರ ಮೋದಿ ಸಿ.ಎಂ ವಿಜಯ್​ ರೂಪಾನಿಗೆ ಕರೆ ಮಾಡಿ ಪ್ರಕರಣದ ಬಗ್ಗೆ ಮಾಹಿತಿ ಪಡೆದಿದ್ದಾರೆ.

ಸ್ಥಳಕ್ಕೆ ತನಿಖಾ ತಂಡ ಆಗಮಿಸಿ ತನಿಖೆ ಆರಂಭಿಸಿದೆ. ಕೆಲ ದಿನಗಳ ಹಿಂದೆಯಷ್ಟೆ ಈ ಖಾಸಗಿ ಆಸ್ಪತ್ರೆಯನ್ನ ಕೋವಿಡ್​ 19 ಅಸ್ಪತ್ರೆಯಾಗಿ ಬದಲಾಯಿಸಲಾಗಿತ್ತು.