ಆಂಧ್ರದಲ್ಲಿ ಅಗ್ನಿ ಅವಘಡ : ಕೋವಿಡ್ ಕೇರ್​ ಖಾಸಗಿ ಹೊಟೇಲ್​ನಲ್ಲಿ 7 ಮಂದಿ ಸಾವು

ರೈಸಿಂಗ್ ಕನ್ನಡ :

ನ್ಯೂಸ್​ ಡೆಸ್ಕ್​ :

ದೇಶಾದ್ಯಂತ  ಅಗ್ನ ಅವಘಢಗಳು ಸಂಭವಿಸುತ್ತಲ್ಲೆ ಇವೆ. ಇದೀಗ ಆಂಧ್ರ ಪ್ರದೇಶದ ವಿಜಯವಾಡದ ಸ್ವರ್ಣ ಪ್ಯಾಲೆಟ್​ ಹೋಟೇಲ್​ನಲ್ಲಿ ಭಾನುವಾರ ಬೆಳಗಿನ ಜಾವ ಅಗ್ನಿ ದುರಂತ ನಡೆದಿದ್ದು 7 ಮಂದಿ ಬೆಂಕಿಗೆ ಆಹುತಿಯಾಗಿದ್ದಾರೆ.

ಮೊನ್ನೆ ಜು.6ರಂದು ಅಹಮದಾಬಾದ್​ನ ಕೋವಿಡ್​ ಆಸ್ಪತ್ರೆಯೊಂದರಲ್ಲಿ ಅಗ್ನಿ ಅವಘಢ ಸಂಭವಿಸಿ 8 ಸೋಂಕಿತರು ಪ್ರಾಣ ಕಳೆದುಕೊಂಡಿದ್ದರು.ಇದೀಗ ಈ ಘಟನೆ ನಡೆದ ಬೆನ್ನಲ್ಲೆ ಆಂಧ್ರದಲ್ಲೂ ಅಗ್ನಿ ಅವಘಡ ಸಂಭವಿಸಿ ಆತಂಕ ಹುಟ್ಟಿಸಿದೆ.

ವಿಜಯವಾಡದ ಸ್ವರ್ಣ ಹೋಟೇಲ್​ನಲ್ಲಿ 22 ಕೊರೊನಾ ರೋಗಿಗಳಿಗೆ ಇಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಬೆಳಗ್ಗೆ 5 ಗಂಟೆಗೆ ಬೆಂಕಿ ದುರಂತ ಸಂಭವಿಸಿದೆ. ಕೂಡಲೇ ಅಗ್ನಿ ಶಾಮಕ ದಳ ಆಗಮಿಸಿ 30 ಮಂದಿಯನ್ನ ರಕ್ಷಿಸಿದ್ದಾರೆ. 7 ಮಂದಿ ಸಾವನಪ್ಪಿದ್ದಾರೆ.

ದುರಂತ ನಡೆದ ನಂತರ ಎಲ್ಲರನ್ನೂ ಸ್ಥಳಾಂತರಿಸಲಾಗಿದೆ. ದುರಂತಕ್ಕೆ ಶಾರ್ಟ್​​ ಸರ್ಕ್ಯೂಟ್​ ಕಾರಣ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ.

ಘಟನೆ ಬಗ್ಗೆ ಆಂಧ್ರ ಸಿಎಂ ಜಗನ್​ ಮೋಹನ್ ರೆಡ್ಡಿ ಮಾಹಿತಿ ಪಡೆದಿದ್ದಾರೆ. ಘಟನೆ ಬಗ್ಗೆ ಕ್ರಮ ಮತ್ತು ಗಾಯಗೊಂಡವರನ್ನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸುವಂತೆ ಸೂಚಿಸಿದ್ದಾರೆ.