Featured
ಭಾರತದಲ್ಲೇ ನನ್ನ ನಿವೃತ್ತಿ! – ತನ್ನ ಮನದಾಳ ಹಂಚಿಕೊಂಡ ಆಸಿಸ್ ದಿಗ್ಗಜ..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಭಾರತದಲ್ಲೇ ನನ್ನ ನಿವೃತ್ತಿಯಾಗಬೇಕು. ಇದು ನನ್ನ ಬಹು ದಿನಗಳ ಆಸೆ. ಹೀಗಂತ ಅಂತರಾಷ್ಟ್ರೀಯ ಕ್ರಿಕೆಟಿಗನೊಬ್ಬ ಹೇಳಿಕೊಂಡಿದ್ದಾನೆ. ಅರೇ ಅದೇನಪ್ಪಾ, ಆ ಆಟಗಾರ ಯಾವ ದೇಶದವನು ಅಂತೀರಾ. ಆತ ಯಾವುದೋ ಸಾಮಾನ್ಯ ತಂಡದ ಪ್ಲೇಯರ್ ಅಲ್ಲ. ಬದಲಾಗಿ ಕ್ರಿಕೆಟ್ ಲೋಕದ ಬಲಿಷ್ಠ ತಂಡವೊಂದರ ನಾಯಕ.
ಯೆಸ್, ಆಸ್ಟ್ರೇಲಿಯಾ ಏಕದಿನ ಮತ್ತು ಟಿ20 ತಂಡದ ನಾಯಕ ಆ್ಯರೋನ್ ಫಿಂಚ್ ತನ್ನ ನಿವೃತ್ತಿ ಏನಿದ್ರೂ ಭಾರತದಲ್ಲೇ ಅಂತ ತಿಳಿಸಿದ್ದಾರೆ. 2023ರಲ್ಲಿ ಭಾರತ ಆತಿಥ್ಯದಲ್ಲಿ ನಡೆಯಲಿರುವ ಒಡಿಐ ವಿಶ್ವಕಪ್‌ ಟೂರ್ನಿ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸುವುದಾಗಿ ಆ್ಯರೋನ್ ಫಿಂಚ್ ತಿಳಿಸಿದ್ದಾರೆ.
ಭಾರತದಲ್ಲಿ ನಡೆಯಲಿರುವ 2023ರ ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್‌ ಟೂರ್ನಿಯೇ ನನ್ನ ವೃತ್ತಿ ಬದುಕಿನ ಕೊನೆಯ ಅಧ್ಯಾಯ. ಅಲ್ಲಿಯವರೆಗು ಆಡಬೇಕು ಎಂಬುದಷ್ಟೇ ನನ್ನ ಗುರಿಯಾಗಿದೆ. ಅದಕ್ಕೆ ಬದ್ಧನಾಗಿದ್ದೇನೆ, ಎಂದು ಸನ್‌ ರೇಡಿಯೋ ವಾಹಿನಿಗೆ ನೀಡಿದ ವಿಶೇಷ ಸಂದರ್ಶನವೊಂದರಲ್ಲಿ ಈ ಬಲಗೈ ಬ್ಯಾಟ್ಸ್‌ಮನ್‌ ಹೇಳಿಕೊಂಡಿದ್ದಾರೆ.
ಈಗ ನನಗೆ 33 ವರ್ಷ, 2023ರ ವಿಶ್ವಕಪ್‌ವೇಳೆಗೆ ನನಗೆ 36 ವರ್ಷ ವಯಸ್ಸಾಗಿರುತ್ತದೆ. ಅದು ನಿವೃತ್ತಿಗೆ ಸೂಕ್ತ ಸಮಯ ಎಂದಿರುವ ಆ್ಯರೋನ್ ಫಿಂಚ್, ವಿಶ್ವಕಪ್‌ ಮತ್ತು ಭಾರತಕ್ಕಿಂತ ಕ್ರಿಕೆಟ್ ಪ್ರೀತಿಸೋ ರಾಷ್ಟ್ರ ಎರಡು ಒಳ್ಳೆಯದ್ದೇ ನಿವೃತ್ತಿಗೆ ಅಂದುಕೊಂಡಿದ್ದೇನೆ ಎಂದು ತಿಳಿಸಿದ್ದಾರೆ.
