ವಿಜಯಪುರದಲ್ಲಿ ಕ್ಷುಲಕ ಕಾರಣಕ್ಕೆ ಮಚ್ಚಿನಿಂದ ಹಲ್ಲೆ : ತಾಂಡಾದಲ್ಲಿ ಘಟನೆ

ರೈಸಿಂಗ್ ಕನ್ನಡ :

ವಿಜಯಪುರ :

ಕ್ಷುಲ್ಲಕ ಜಗಳ ಕಾರಣಕ್ಕೆ ಮಚ್ಚು ಹಿಡಿದುಕೊಂಡು ಹಲ್ಲೆಗೆ ಮುಂದಾದ ಘಟನೆ ವಿಜಯಪುರ ಜಿಲ್ಲೆ ಬಸವನ ಬಾಗೇವಾಡಿ ತಾಲೂಕಿನ ನರಸಲಗಿ ತಾಂಡಾದಲ್ಲಿ ನಡೆದಿದೆ.

 ಮೂರು ದಿನಗಳ ಹಿಂದೆ ಘಟನೆ ನಡೆದಿದ್ದು, ಇದೀಗ ವಿಡಿಯೋ ಬೆಳಕಿಗೆ ಬಂದಿದೆ. ಬಾಲಕನೋರ್ವನಿಗೆ ಬೈಕ್ ಡಿಕ್ಕಿಯಾದ ಹಿನ್ನೆಲೆಯಲ್ಲಿ ಬಾಲಕನ ಮನೆಯವರಿಂದ ಬೈಕ್ ಡಿಕ್ಕಿ ಹೊಡಿಸಿದ್ದ ಮನೆಯವರ ಮೇಲೆ ಹಲ್ಲೆ ನಡೆದಿದೆ.

ಸತೀಶ ರಾಠೋಡ್ ಕುಟುಂಬದವರ ಮೇಲೆ ಮಚ್ಚು ಸಮೇತ ಮನೆಗೆ ಆಗಮಿಸಿ ಶ್ರೀಶೈಲ ರಾಠೋಡ್, ಸಂತೋಷ ರಾಠೋಡ್, ನಾಗೇಶ ರಾಠೋಡ್. ಕುಮಾರ ರಾಠೋಡ್ ಎಂಬುವವರಿಂದ ಹಲ್ಲೆಗೆ ಯತ್ನ ಮಾಡಲಾಗಿದೆ.

ಘಟನೆ ಕುರಿತು ಬಸವನಬಾಗೇವಾಡಿ ಪೊಲೀಸ್ ಠಾಣೆಗೆ ಸತೀಶ ಕುಟುಂಬ ದೂರು ನೀಡಿದೆ. ತನಿಖೆ ನಡೆಸಿ ಹಲ್ಲೆಕೋರರ ಬಂಧಿಸಲಾಗುತ್ತದೆ ಎಂದು ಪೊಲೀಸರ ಮಾಹಿತಿ ನೀಡಿದ್ದಾರೆ.