ಅತೃಪ್ತರು ಗ್ಯಾಂಗ್ರೀನ್​ ಇದ್ದಂತೆ : ಜೆಡಿಎಸ್​​​​ ಟ್ವೀಟ್​​ಗೆ ಅನರ್ಹರು ಹೇಳಿದ್ದೇನು..? ದರಿದ್ರ ಮಕ್ಕಳು ಯಾರು..?

ರೈಸಿಂಗ್ ಕನ್ನಡ : ಮಾಜಿ ಸಿಎಂ ಹೆಚ್​ಡಿ ಕುಮಾರಸ್ವಾಮಿ ಅಧಿಕಾರ ಕಳೆದುಕೊಳ್ಳಲು ಕಾರಣರಾದ ಅನರ್ಹ ಶಾಸಕರಿಗೆ ಜೆಡಿಎಸ್​ ಹೊಸ ಪಟ್ಟ ಕೊಟ್ಟಿದೆ. ಅನರ್ಹ ಶಾಸಕರು ಗ್ಯಾಂಗ್ರೀನ್​​ ಇದ್ದಂತೆ ಎಂದು ಟ್ವೀಟ್​ ಮಾಡಿ ಕೆದಕಿ ವ್ಯಂಗ್ಯ ಮಾಡಿದೆ ಜೆಡಿಎಸ್. ಹಣದ ಆಸೆಗಾಗಿ ಮೈತ್ರಿ ಸರ್ಕಾರವನ್ನು ಬೀಳಿಸಿದ ಅತೃಪ್ತ ಶಾಸಕರು ಆಗ, ಬಿಜೆಪಿಯ ಕಣ್ಣಿಗೆ ದೇವರಂತೆ ಕಂಡಿದ್ದರು. ಆದ್ರೀಗ, ಅದೇ ಅತೃಪ್ತರನ್ನು ಎರಡೇ ತಿಂಗಳಿನಲ್ಲಿ ಬಿಜೆಪಿಯ ಉಪಮುಖ್ಯಮಂತ್ರಿಗಳು “ದರಿದ್ರ ಮಕ್ಕಳು” ಎಂದು ಕರೆಯುತ್ತಾ ತಿರುಗಾಡುತ್ತಿದ್ದಾರೆ ಎಂದು ಜೆಡಿಎಸ್​ ಟ್ವಿಟ್ಟರ್ ಪೇಜ್​ನಲ್ಲಿ ಟ್ವೀಟ್​ ಮಾಡಲಾಗಿದೆ.

ಹಣದ ಆಸೆಗಾಗಿ ಮೈತ್ರಿ ಸರ್ಕಾರವನ್ನು ಬೀಳಿಸಿದ ಅತೃಪ್ತ ಶಾಸಕರು ಬಿಜೆಪಿಯ ಕಣ್ಣಿಗೆ ದೇವರಂತೆ ಕಂಡಿದ್ದರು.

ಈಗ ಅದೇ ಅತೃಪ್ತರನ್ನು ಎರಡೇ ತಿಂಗಳಿನಲ್ಲಿ ಬಿಜೆಪಿಯ ಉಪಮುಖ್ಯಮಂತ್ರಿಗಳು "ದರಿದ್ರ ಮಕ್ಕಳು" ಎಂದು ಕರೆಯುತ್ತ ತಿರುಗಾಡುತ್ತಿದ್ದಾರೆ. ಅತೃಪ್ತರು ಗ್ಯಾಂಗ್ರೀನ್ ಇದ್ದ ಹಾಗೆ, ಬಿಜೆಪಿಗೂ ಇದೀಗ ಅದರ ಅರಿವಾದಂತಿದೆ.— Janata Dal Secular (@JanataDal_S) September 27, 2019

ಅತೃಪ್ತರು ಗ್ಯಾಂಗ್ರೀನ್ ಇದ್ದಂತೆ. ಬಿಜೆಪಿಗೂ ಇದೀಗ ಅದರ ಅರಿವಾದಂತಿದೆ ಎಂದು ಟ್ವೀಟ್​ನಲ್ಲಿ ಹೇಳಲಾಗಿದೆ. ಈ ಕುರಿತು ಪ್ರತಿಕ್ರಿಯೆ ಕೊಟ್ಟಿರೋ ಅನರ್ಹ ಶಾಸಕ ಎಸ್​.ಟಿ. ಸೋಮಶೇಖರ್, ನಮ್ಮ ಬಗ್ಗೆ ಏಕೆ ಮಾತಾಡ್ತಾರೆ. ಜೆಡಿಎಸ್​​ನವರು ವಿಶ್ವನಾಥ್, ಗೋಪಾಲಯ್ಯ, ನಾರಾಯಣಗೌಡ ಉತ್ತರ ಕೊಡ್ತಾರೆ ಎಂದು ಗರಂ ಆಗಿದ್ದಾರೆ.

ಜೆಡಿಎಸ್​​ನವರು ತಮ್ಮ ಶಾಸಕರನ್ನ ಕೇಳಿಕೊಳ್ಳಲಿ. ನಮ್ಮ ತಂಟೆಗೆ ಏಕೆ ಬರ್ತಾರೆ. ನಮ್ಮ ಪ್ರಶ್ನೆ ಮಾಡುವ ಹಕ್ಕು ಜೆಡಿಎಸ್​ಗೆ ಇಲ್ಲ. ನಾವಿನ್ನೂ ಕಾಂಗ್ರೆಸ್​​ನಲ್ಲೇ ಇದ್ದೇವೆ. ಕಾಂಗ್ರೆಸ್​​ನಿಂದ ನಮ್ಮನ್ನ ಯಾವನ್​ ಉಚ್ಛಾಟನೆ ಮಾಡ್ತಾನೆ ಎಂದು ಗರಂ ಆಗಿಯೇ ಪ್ರಶ್ನೆ ಮಾಡಿ, ಆಕ್ರೋಶ ಹೊರಹಾಕಿದ್ದಾರೆ.