ಶೃಂಗಾರ ಜೀವನವನ್ನ ಹೆಚ್ಚು ಎಂಜಾಯ್​ ಮಾಡುವುದು ರೈತರು..! ಆಮೇಲೆ ಯಾರು..?

ರೈಸಿಂಗ್ ಕನ್ನಡ : ಇಂಗ್ಲೆಂಡ್​​​ನಲ್ಲಿರೋ ಲೆಲೋ ಎಂಬ ಸಂಸ್ಥೆ ವಿವಿಧ ವೃತ್ತಿಯಲ್ಲಿ ಕೆಲಸ ಮಾಡುವ ಉದ್ಯೋಗಿಗಳ ಶೃಂಗಾರ ಜೀವನದ ಕುರಿತು ಸಮೀಕ್ಷೆ ನಡೆಸಿದೆ. ಇದರಲ್ಲಿ ಯಾರೂ ಊಹಿಸಲು ಸಾಧ್ಯವಾಗದ ಕೆಲವು ಆಸಕ್ತಿಕರ ಅಂಶಗಳು ಬಯಲಾಗಿವೆ. ಶೃಂಗಾರ ಜೀವನವನ್ನ ಅತೀ ಹೆಚ್ಚು ಎಂಜಾಯ್​ ಮಾಡುವವರು ಯಾರು ಎಂಬ ಸಂದೇಹ ಬಹಳಷ್ಟು ಮಂದಿಗೆ ಇರುತ್ತೆ. ಇದಕ್ಕೆ ಈ ಸಂಸ್ಥೆ ಉತ್ತರ ಕೊಟ್ಟಿದೆ.

ಹೊಸ ಸಮೀಕ್ಷೆ ಪ್ರಕಾರ ರೈತರು ತಮ್ಮ ಜೀವನದಲ್ಲಿ ಅತ್ಯಂತ ಹೆಚ್ಚು ಹಾಗೂ ಖುಷಿಯಿಂದ ಶೃಂಗಾರ ಜೀವನವನ್ನ ನಡೆಸ್ತಾರಂತೆ. ಶೇಕಡಾ 33ರಷ್ಟು ರೈತರು ಸೆಕ್ಸ್​ ಲೈಫ್​​ಅನ್ನು ಎಂಜಾಯ್​ ಮಾಡ್ತಾರಂತೆ. ದಿನಕ್ಕೆ ಒಮ್ಮೆಯಾದರೂ, ರೈತರು ತಮ್ಮ ಸಂಗಾತಿಯೊಂದಿಗೆ ಶೃಂಗಾರದಲ್ಲಿ ಪಾಲ್ಗೊಳ್ತಾರೆ ಎಂದು ಸರ್ವೇ ಹೇಳಿದೆ. ಈ ಮೂಲಕ ಒತ್ತಡದ ಜೀವನಕ್ಕೆ ಸಿಲುಕದೆ, ಶೃಂಗಾರ ಜೀವನವನ್ನ ಎಂಜಾಯ್​ ಮಾಡ್ತಾರೆ ರೈತರು.

ರೈತರ ಬಳಿಕ ಬೆಡ್​ರೂಮ್​​ನಲ್ಲಿ ಅತೀ ಹೆಚ್ಚು ಎಂಜಾಯ್​ ಮಾಡುವವರು ಆರ್ಕಿಟೆಕ್ಟ್​​ ಉದ್ಯೋಗಿಗಳು. ಶೇಕಡಾ 21ರಷ್ಟು ಆರ್ಕಿಟೆಕ್ಟ್​​ಗಳು, ಶೃಂಗಾರ ಜೀವನದಲ್ಲಿ ಉಲ್ಲಾಸ, ಉತ್ಸಾಹವಾಗಿ ಇರ್ತಾರಂತೆ. ಅದೇ ರೀತಿಯಾಗಿ, ಶಿಕ್ಷಕರು, ಲಾಯರ್​ಗಳು ಸೇರಿದಂತೆ ಸರ್ಕಾರಿ ಉದ್ಯೋಗಿಗಳು ಕೂಡ ಉತ್ತಮವಾಗಿಯೇ ಶೃಂಗಾರ ಜೀವನವನ್ನ ಎಂಜಾಯ್​ ಮಾಡ್ತಿದ್ದಾರಂತೆ.

ಇದೆಲ್ಲದಕ್ಕಿಂತ ವಿಶೇಷ ಅಂದ್ರೆ, ಅತ್ಯಂತ ಕಡಿಮೆ ಶೃಂಗಾರದಲ್ಲಿ ಪಾಲ್ಗೊಳ್ಳುವವರು ಜರ್ನಲಿಸ್ಟ್​​ಗಳಂತೆ. ತಿಂಗಳಲ್ಲಿ ಒಮ್ಮೆಯಾದ್ರೂ, ಜರ್ನಲಿಸ್ಟ್​​ಗಳು ಶೃಂಗಾರ ಜೀವನ ಎಂಜಾಯ್​ ಮಾಡೋದು ಕಷ್ಟ ಅಂತ ಸರ್ವೇಯಲ್ಲಿ ಬಯಲಾಗಿದೆ.