ವಿಜಯಪುರದಲ್ಲಿ ಎಟಿಎಂ ದರೋಡೆಗೆ ಮತ್ತೊಮ್ಮೆ ವಿಫಲ ಯತ್ನ

ರೈಸಿಂಗ್​ ಕನ್ನಡ:

ವಿಜಯಪುರ:

ಜಿಲ್ಲೆಯಲ್ಲಿ ಮತ್ತೊಂದು ಬ್ಯಾಂಕ್ ಎಟಿಎಂ ದರೋಡೆ ನಡೆಸಲು ವಿಫಲ ಯತ್ನ ನಡೆದಿರುವ ಘಟನೆ ಜಿಲ್ಲೆಯ ಮುದ್ದೇಬಿಹಾಳದ ತಂಗಡಗಿ ರಸ್ತೆಯ ಖಾಸಗಿ ಬ್ಯಾಂಕ್ ಆವರಣದಲ್ಲಿ ತಡರಾತ್ರಿ ನಡೆದಿದೆ.

ಮುದ್ದೇಬಿಹಾಳ ಪಟ್ಟಣದ ಯೂನಿಯನ್ ಬ್ಯಾಂಕ್ ಎಟಿಎಂಗೆ ನುಗ್ಗಿರುವ ದರೋಡೆಕೋರರು ಎಟಿಎಂನಲ್ಲಿದ್ದ ಸಿಸಿ ಕ್ಯಾಮರಾ ವೈರ್ ಕತ್ತರಿಸಿದ್ದಾರೆ.

 ನಂತರ ಎಟಿಎಂ ಒಡೆಯಲು ಪ್ರಯತ್ನಿಸಿದ್ದಾರೆ. ಅದು ಸಾಧ್ಯವಾಗದ ಕಾರಣ ವಾಪಸಾಗಿದ್ದಾರೆ.

ನಸುಕಿನ ಜಾವ ಎಟಿಎಂ ದರೋಡೆ ನಡೆಸಿರುವ ಮಾಹಿತಿ ಸಾರ್ವಜನಿಕರಿಗೆ ಗೊತ್ತಾಗಿದೆ. ಸ್ಥಳಕ್ಜೆ ಪಿಎಸ್ ಐ  ಮಲ್ಲಪ್ಪ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ದರೋಡೆಕೋರರು ಎಟಿಎಂ ಒಡೆಯಲು ಹಲವು ರೀತಿ ಪ್ರಯತ್ನ ನಡೆಸಿರುವದು ಘಟನಾ ಸ್ಥಳದಲ್ಲಿ ಸಿಕ್ಕ ವಸ್ತುಗಳಿಂದ ತಿಳಿದು ಬಂದಿದೆ.

ಮುದ್ದೇಬಿಹಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.ನಿನ್ನೆಯಷ್ಟೇ ಸಿಂದಗಿ ಪಟ್ಟಣದಲ್ಲಿ ಬ್ಯಾಂಕ್ ಎಟಿಎಂ ಕದಿಯಲು ಯತ್ನಿಸಿದ್ದ ದರೋಡೆ ಕೋರರು ಸೆಕ್ಯುರಿಟಿ ಗಾರ್ಡ್ ಹತ್ಯೆ ನಡೆಸಿ ಪರಾರಿಯಾಗಿದ್ದರು. ಅದರ ಮರುದಿನವೇ ಈ ಘಟನೆ ನಡೆದಿರುವದು ವ್ಯವಸ್ಥಿತ ತಂಡವೊಂದು ಎಟಿಎಂ ದರೋಡೆ ನಡೆಸುತ್ತಿರುವ ಸಂಶಯ ಪೊಲೀಸರಿಗೆ ವ್ಯಕ್ತವಾಗಿದೆ