ಕ್ಲಬ್ ಮೇಲೆ ಮುಂಬೈ ಪೊಲೀಸರ ದಾಳಿ: ನಿಯಮ ಉಲ್ಲಂಘಿಸಿ ಪಾರ್ಟಿ ಮಾಡುತ್ತಿದ್ದ ಸುರೇಶ್ ರೈನಾ ಬಂಧನ

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​:

ಕೊರೊನಾ ನೀತಿ ನಿಯಮಗಳನ್ನ ಉಲ್ಲಂಘಸಿ ಕ್ಲಬ್​ವೊಂದರಲ್ಲಿ ಪಾರ್ಟಿ ನಡೆಸುತ್ತಿದ್ದ  ಆರೋಪ ಸಂಬಂಧ ಟೀಮ್​ ಇಂಡಿಯಾದ ಮಾಜಿ ಆಟಗಾರ ಸುರೇಶ್​ ರೈನಾ ಅವರನ್ನ ಪೊಲೀಸರು ಬಂಧಿಸಿ ಬಿಡುಗಡೆಗೊಳಿಸಿರುವ ಘಟನೆ  ಮುಂಬೈನಲ್ಲಿ ನಡೆದಿದೆ.

ಮಂಗಳವಾರ ಇಲ್ಲಿನ ವಿಮಾನ ನಿಲ್ದಾಣ ಬಳಿ ಇರುವ ಡ್ರ್ಯಾಗನ್​ ಫ್ಲೈ ಕ್ಲಬ್​ ಮೇಲೆ ದಾಳಿ ನಡೆಸಿದ ಪೊಲೀಸರು ಪವರ್​ ಹಿಟ್ಟರ್​ ಸುರೇಶ್​ ರೈನಾ  ಸೇರಿದಂತೆ  34 ಮಂದಿಯನ್ನ ಬಂಧಿಸಿದ್ದಾರೆ.

ಕೋವಿಡ್​ 19 ನೀತಿ ನಿಯಮಗಳನ್ನ ಗಾಳಿಗೆ ತೂರಿ ಕ್ಲಬ್​ನಲ್ಲಿ ವ್ಯವಹಾರ ಮಾಡುತ್ತಿದ್ದಾರೆಂದು ಅರೋಪಿಸಲಾಗಿದ್ದು ಇವರುಗಲ ವಿರುದ್ಧ ಐಪಿಸಿ ಸೆಕ್ಷನ್​ 88,269,34ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲಸರು ಮಾಹಿತಿ ನೀಡಿದ್ದಾರೆ.

ದೇಶಕ್ಕೆ ಹೊಸ ಮಾದರಿಯ ಕೊರೊನಾ ರೂಪಾಂತರಿ ವೈರಸ್​ ಬಂದಿದ್ದು ಮಹಾರಾಷ್ಟ್ರ ಸರ್ಕಾರ ಮುನ್ನೆಚ್ಚರಿಕಾ ಕ್ರಮವನ್ನ ಕೈಗೊಂಡಿದೆ.