ಮಾಜಿ ಕ್ರಿಕೆಟಿಗ ಚೇತನ್ ಚೌಹಾಣ್ ಸ್ಥಿತಿ ಗಂಭೀರ: ಕೊರೊನಾ ಸೋಂಕಿಗೆ ಗುರಿಯಾಗಿರುವ ಮಾಜಿ ಆಟಗಾರನಿಗೆ ಐಸಿಯುವಿನಲ್ಲಿ ಚಿಕಿತ್ಸೆ

ರೈಸಿಂಗ್ ಕನ್ನಡ :

ನವದೆಹಲಿ:

ಕೊರೊನಾ ಸೋಂಕಿಗೆ ಗುರಿಯಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಭಾರತ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಚೇತನ್ ಚೌಹಾಣ್ ಸ್ಥಿತಿ ಗಂಭೀರವಾಗಿದೆ.

72 ವರ್ಷದ ಚೇತನ್ ಚೌಹಾಣ್​ಗೆ ಕಳೆದ ತಿಂಗಳು ಕೊರೊನಾ ಸೋಂಕು ದೃಢಪಟ್ಟಿತ್ತು. ಈ ಹಿನ್ನಲೆಯಲ್ಲು ಲಖನೌನ ಸಂಜಯ್​ ಗಾಂಧಿ ಆಸ್ಪತ್ರೆಯಲ್ಲಿ  ಚಿಕಿತ್ಸೆ ಪಡೆಯುತ್ತಿದ್ದರು. ನಂತರ ಮೆದಂತಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

ಶುಕ್ರವಾರ ಮಾಜಿ ಆಟಗಾರ ಸೋಂಕಿನಿಂದ ಚೇತರಿಸಿಕೊಳ್ಳುತ್ತಿರುವಾಗಲೇ ಕಿಡ್ನಿ ಸಮಸ್ಯೆ ಮತ್ತು ಬಿಪಿ ಸಮಸ್ಯೆ ಉಲ್ಬಣಿಸಿತು. ಇದೀಗ ಗುರುಗ್ರಾಮ್​ ಆಸ್ಪತ್ರೆಯಲ್ಲಿ ತೀವ್ರ ನಿಗಾ ಘಟಕದಲ್ಲಿ ಇಡಲಾಗಿದ್ದು ಚೇತನ್ ಚೌಹಾಣ್ ಕಿಡ್ನಿ ವೈಫಲ್ಯ ಅನುಭವಿಸುತ್ತಿದ್ದು ವೆಂಟಿಲೇಟರ್​ ಅಳವಡಿಸಲಾಗಿದೆ.

ಚೇತನ್ ಚೌಹಾಣ್ ಮತ್ತು ಮಾಜಿ ನಾಯಕ  ಸುನಿಲ್ ಗಾವಸ್ಕರ್ ಒಂದು ಶ್ರೇಷ್ಠ ಆರಂಭಿಕ ಬ್ಯಾಟ್ಸ್​ಮನ್​ಗಳಾಗಿದ್ದರು.  1970ರಲ್ಲಿ ಇಬ್ಬರು 10 ಶತಕಗಳನ್ನ  ಸಿಡಿಸಿ 3 ಸಾವಿರ ರನ್ ಕಲೆ ಹಾಕಿದ್ದರು. ಚೇತನ್ ಚೌಹಾಣ್​ ಅವರಿಗೆ 1981ರಲ್ಲಿ ಪ್ರತಿಷ್ಠಿತ ಅರ್ಜುನಾ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.