ಸಿದ್ದರಾಮಯ್ಯಗೆ ಅವರೇ ಸಾಕಿದ ಗಿಳಿಗಳು ಹದ್ದುಗಳಾಗಿ ಕುಕ್ಕಿದವು : ರಮೇಶ್​ ಕುಮಾರ್​

ಬೆಂಗಳೂರು : ಮಾಜಿ ಸಿಎಂ ಸಿದ್ದರಾಮಯ್ಯ ಅವರಿಗೆ ಹದ್ದುಗಳು ಕುಕ್ಕಿದವರು. ಅವರೇ ಸಾಕಿದ ಗಿಳಿಗಳು ಹದ್ದುಗಳಾಗಿ ಕುಕ್ಕಿದವು ಎಂದು ಮಾಜಿ ಸ್ಪೀಕರ್ ರಮೇಶ್​ ಕುಮಾರ್ ಹೇಳಿದ್ದಾರೆ. ಬೆಂಗಳೂರಿನಲ್ಲಿ ಮಾತ್ನಾಡಿದ ರಮೇಶ್ ಕುಮಾರ್, ಚಾಮುಂಡೇಶ್ವರಿ ಗಾಯ ಒಂದು ಆಕಸ್ಮಿಕ. ಅದನ್ನು ಒಂದು ಕೆಟ್ಟ ಕನಸು ಎಂದು ಮರೆಯೋಣ ಎಂದ್ರು.

ಕೋಲಾರಕ್ಕೆ ಬಂದು ಸ್ಪರ್ಧೆ ಮಾಡಿ ಎಂದು ನಾನು ಮತ್ತು ನಜೀರ್ ಅಹ್ಮದ್​ ಸಿದ್ದರಾಮಯ್ಯ ಅವರ ಕಾಲು ಹಿಡಿದೆವು. ಆದ್ರೆ, ಕ್ಷೇತ್ರ ಬದಲಾವಣೆಗೆ ಅವರು ಒಪ್ಪಲಿಲ್ಲ. ಅವರ ಸೋಲಿನಿಂದ ದೊಡ್ಡ ಹೊಡೆತ ಬಂದಿತ್ತು. ಇಷ್ಟು ವಯಸ್ಸಾಗಿದ್ರೂ, ಚಿಕ್ಕಮಕ್ಕಳಂತೆ ಅತ್ತಿದ್ದೆವು ಎಂದು ರಮೇಶ್​ ಕುಮಾರ್ ಹೇಳಿದ್ರು.

ಇದೇ ವೇಳೆ ಸಿದ್ದರಾಮಯ್ಯ ಅವರ ಸ್ಕೂಟರ್​ ಕೆಟ್ಟು ಹೋದ ಕಥೆ ಹೇಳಿದ್ರು. ಸಿದ್ದು ರಾಜಕೀಯಕ್ಕೆ ಕಾಲಿಟ್ಟಾಗ, ಅವರು ನಾಮಿನೇಷನ್ ವಾಪಸ್​ ಪಡೆಯಲು ಹೋಗ್ತಿದ್ರು. ಆಗ ಸ್ಕೂಟರ್ ಕೆಟ್ಟು ಹೋಗಿತ್ತು. ನಾಮಿನೇಷನ್ ವಾಪಸ್ ಪಡೆಯಲು ಆಗಲಿಲ್ಲ. ರಾಜಕೀಯದಲ್ಲಿ ಇವತ್ತು ಈ ಮಟ್ಟಕ್ಕೆ ಬೆಳೆದಿದ್ದಾರೆ ಎಂದು ಸಿದ್ದರಾಮಯ್ಯ ಅವರ ಹಳೇ ಕಥೆಯನ್ನ ನೆನೆದ್ರು.  

=================