ನೆರೆ ಪರಿಹಾರಕ್ಕೆ ಹೋಗದ ಯಡಿಯೂರಪ್ಪ, ಅನರ್ಹ ಶಾಸಕರ ಬಚಾವ್​​ಗೆ ದಿಲ್ಲಿಗೆ : BSY ರಾಜಕೀಯ ನಾಟಕಕ್ಕೆ HDK ವಾಗ್ದಾಳಿ

ಬೆಂಗಳೂರು/ನವದೆಹಲಿ : ಉಪ ಚುನಾವಣಾ ಕಣ ರಂಗೇರ್ತಿದ್ದಂತೆ, ರಾಜಕೀಯ ನಾಯಕರ ಆರೋಪ, ಪ್ರತ್ಯಾರೋಪಗಳು ಕೂಡ ದಿನೇ ದಿನೇ ಜೋರಾಗ್ತಿದೆ. ಅನರ್ಹ ಶಾಸಕರ ಪರಿಸ್ಥಿತಿ ಸದ್ಯ ಡೋಲಾಯಮಾನವಾಗಿದೆ. ನಾಳೆ ಸುಪ್ರೀಂಕೋರ್ಟ್​ನಲ್ಲಿ ಅನರ್ಹ ಶಾಸಕರ ಪ್ರಕರಣದ ವಿಚಾರಣೆಗೆ ಬರಲಿದ್ದು, ಸಿಎಂ ಯಡಿಯೂರಪ್ಪ ದಿಢೀರ್​ ದೆಹಲಿಗೆ ಹೋಗಿದ್ದಾರೆ. ಇದೇ ವಿಚಾರವಾಗಿ ಕಿಡಿಕಾರಿರೋ ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ, ನೆರೆ ಪರಿಹಾರಕ್ಕಾಗಿ ದೆಹಲಿಗೆ ಹೋಗಲಿಲ್ಲ. ಈಗ ಅನರ್ಹ ಶಾಸಕರನ್ನ ಬಚಾವ್​ ಮಾಡಲು ದಿಲ್ಲಿಗೆ ಹೋಗಿದ್ದೀರಾ..? ನಿಮಗೆ ನಾಚಿಕೆ ಆಗಲ್ವಾ..? ಇದು ರಾಜಕೀಯ ನಾಟಕವಲ್ಲದೇ ಮತ್ತೇನು ಎಂದು ಹೆಚ್​ಡಿಕೆ ಪ್ರಶ್ನೆ ಮಾಡಿದ್ದಾರೆ.

ಮಾಜಿ ಸಿಎಂ ಹೆಚ್​.ಡಿ. ಕುಮಾರಸ್ವಾಮಿ ಮಾಡಿರುವ ಟ್ವೀಟ್​ ಹೀಗಿದೆ ನೋಡಿ.

ಆಪರೇಷನ್ ಕಮಲದ ಸಂತ್ರಸ್ತರ ರಕ್ಷಣೆಗಾಗಿ ದೆಹಲಿಗೆ ಹೋಗಿರುವ ಮುಖ್ಯಮಂತ್ರಿ ಯಡಿಯೂರಪ್ಪನವರು ನೆರೆ ಸಂತ್ರಸ್ತರ ಪರಿಹಾರ ಧನ ಸಹಾಯ ಕೋರಲು ದೆಹಲಿಗೆ ತರಳಿದ್ದೇನೆ ಎಂದಿರುವುದು ಒಂದು ‘ರಾಜಕೀಯ ನಾಟಕ’. ಅಮಿತ್ ಶಾ ರ ಪ್ರಭಾವ ಬಳಸಿ ಪ್ರಜಾಪ್ರಭುತ್ವ ವಿರೋಧಿ ಆಪರೇಷನ್ ಕಮಲದ ಸಂತ್ರಸ್ತ ಅನರ್ಹರನ್ನು ಬಚಾವ್ ಮಾಡಿಸಲಷ್ಟೇ BSY ದೆಹಲಿಗೆ ಹೋಗಿದ್ದಾರೆ.

ಒಟ್ಟಿನಲ್ಲಿ ಎಲೆಕ್ಷನ್​ ಅಬ್ಬರದ ಜೊತೆ ಇನ್ಮುಂದೆ ರಾಜಕೀಯ ನಾಯಕರ ಮಾತಿನ ಸಮರವೂ ಶುರುವಾಗಲಿದೆ. ಬಿಜೆಪಿ, ಕಾಂಗ್ರೆಸ್, ಜೆಡಿಎಸ್ ನಾಯಕರ ಮಾತಿನ ಬಾಣಗಳು ಮುಂದಿನ ದಿನಗಳಲ್ಲಿ ಮತ್ತಷ್ಟು ಜೋರಾಗಿ ಇರೋದ್ರಲ್ಲಿ ಸಂಶಯವೇ ಇರಲ್ಲ.