ಡಿಕೆಶಿ ಆಯ್ತು, ಈಗ ಡಿಕೆ ಸುರೇಶ್​ ಸರದಿ : ಡಿಕೆಸು ಕೂಡ ಅರೆಸ್ಟ್ ಆಗ್ತಾರಾ..?

ರೈಸಿಂಗ್ ಕನ್ನಡ : ಮಾಜಿ ಸಚಿವ, ಕಾಂಗ್ರೆಸ್ ಮುಖಂಡ ಡಿಕೆ ಶಿವಕುಮಾರ್ ಬಂಧನದ ಬೆನ್ನಲ್ಲೇ ಈಗ ಇಡಿ ಬಿಸಿ ಡಿಕೆ ಸುರೇಶ್​ಗೂ ಕಾಡುವ ಸಾಧ್ಯತೆ ಇದೆ. ಡಿಕೆಶಿ ಸಹೋದರ, ಸಂಸದ ಡಿಕೆ ಸುರೇಶ್​ಗೂ ಇಡಿ ವಿಚಾರಣೆ ಬಿಸಿ ತಟ್ಟಲಿದೆ. ದೆಹಲಿಯಲ್ಲಿ ಸಿಕ್ಕಿದ್ದ 8.5 ಕೋಟಿ ನಗದಿನಲ್ಲಿ ನನ್ನದೂ 21.38 ಲಕ್ಷ ಹಣ ಇದೆ ಎಂದು ಡಿಕೆ ಸುರೇಶ್​ ಘೋಷಿಸಿಕೊಂಡಿದ್ದರು. ಲೋಕಸಭಾ ಚುನಾವಣೆ ಅಫಿಡವಿಟ್​ನಲ್ಲಿ ಹಣದ ಬಗ್ಗೆ ಡಿಕೆಸು ತೋರಿಸಿದ್ರು. ಇದೇ ಪ್ರಕರಣದಲ್ಲಿ ಡಿಕೆಸು ಲಾಕ್​ ಆಗುವ ಲಕ್ಷಣಗಳು ಕಾಣ್ತಿವೆ.

ಈಗಾಗಲೇ ಡಿಕೆಶಿ ಪುತ್ರಿ ಐಶ್ವರ್ಯ, ಡಿಕೆಶಿ ಆಪ್ತೆ, ಶಾಸಕಿ ಲಕ್ಷ್ಮೀ ಹೆಬ್ಬಾಳ್ಕರ್​ ವಿಚಾರಣೆಯನ್ನ ಇಡಿ ನಡೆಸಿದೆ. ಸುಮಾರು 185 ಮಂದಿಗೆ ಇಡಿ ನೊಟೀಸ್ ನೀಡಿದ್ದು, ವಿಚಾರಣೆಗೆ ಹಾಜರಾಗುವಂತೆ ಸೂಚಿಸಿದೆ ಎನ್ನಲಾಗಿದೆ. ಇದೇ ಪ್ರಕರಣದಲ್ಲಿ ಡಿಕೆ ಸುರೇಶ್​​ ಅವರನ್ನೂ ವಿಚಾರಣೆಗೆ ಒಳಪಡಿಸೋ ಸಾಧ್ಯತೆ ಇದೆ. ಡಿಕೆಶಿಯಂತೆ ಡಿಕೆ ಸುರೇಶ್​ ಅವರನ್ನೂ ಕೂಡ ಇಡಿ ಬಂಧಿಸುತ್ತಾ ಅನ್ನೋ ಅನುಮಾನ ಕಾಡ್ತಿದೆ.

ಈ ಮಧ್ಯೆ, ಡಿಕೆಶಿ ಜಾಮೀನು ಅರ್ಜಿಯ ತೀರ್ಪು ಇದೇ ಬುಧವಾರ ಬರಲಿದ್ದು, ಅಲ್ಲಿವರೆಗೆ ಡಿಕೆ ಶಿವಕುಮಾರ್ ತಿಹಾರ್ ಜೈಲಿನಲ್ಲೇ ಇರಬೇಕಿದೆ. ಸದ್ಯ, ಡಿಕೆಶಿ ಆರೋಗ್ಯ ಸ್ಥಿರವಾಗಿದ್ದು, ಪ್ರತಿದಿನ ಆರೋಗ್ಯ ತಪಾಸಣೆ ನಡೆಯುತ್ತಿದೆ.