ಅಧಿಕಾರ ಸಿಗಲಿಲ್ಲ ಎಂದು ಕಣ್ಣೀರು ಹಾಕಬಾರದು : ಕುಮಾರಸ್ವಾಮಿಗೆ ಸಿದ್ದರಾಮಯ್ಯ ಟಾಂಗ್​

ಕಲಬುರಗಿ : ಮಾಜಿ ಸಿಎಂ ಸಿದ್ದರಾಮಯ್ಯ ಹಾಗೂ ಹೆಚ್​.ಡಿ. ಕುಮಾರಸ್ವಾಮಿ ನಡುವಿನ ಶೀತಲ ಸಮರ ಮುಂದುವರಿದಿದೆ. ಇವತ್ತು ಕಲಬುರಗಿಯಲ್ಲಿ ಮಾತ್ನಾಡಿದ ಮಾಜಿ ಸಿಎಂ ಸಿದ್ದರಾಮಯ್ಯ ಅಧಿಕಾರ ಸಿಗಲಿಲ್ಲ ಎಂದು ಯಾರು ಕೂಡ ಕಣ್ಣೀರು ಹಾಕಬಾರದು. ಅಧಿಕಾರ ಇಲ್ಲದೆಯೂ ಜನರ ಪರ ಕೆಲಸ ಮಾಡಬಹುದು ಎಂದು ಹೇಳಿದರು.

ದೇವರಾಜ್ ಅರಸರ ಬಳಿಕ ನಂತರ 5 ವರ್ಷ ಸಂಪೂರ್ಣವಾಗಿ ಮುಖ್ಯಮಂತ್ರಿ ಆಗಿದ್ದವನು ನಾನು. ನಾನು  ಐದು ವರ್ಷ ಮುಖ್ಯಮಂತ್ರಿ ಆಗಿದ್ದು ಕೆಲವರಿಗೆ ಹೊಟ್ಟೆಕಿಚ್ಚು ಆಗಿದೆ ಎಂದು ಪರೋಕ್ಷವಾಗಿ ಮಾಜಿ ಪ್ರಧಾನಿ ದೇವೇಗೌಡ ಹಾಗೂ ಮಾಜಿ ಸಿಎಂ ಕುಮಾರಸ್ವಾಮಿಗೆ ಟಾಂಗ್​ ಕೊಟ್ರು.

ಈ ಹಿಂದೆ ಹಲವು ಬಾರಿ ಮಾಜಿ ಸಿಎಂ ಹೆಚ್​.ಡಿ. ಕುಮಾರಸ್ವಾಮಿ ಕಣ್ಣೀರು ಹಾಕಿದ್ರು. ನನಗೆ ಅಧಿಕಾರ ಮಾಡಲು ಬಿಡ್ತಿಲ್ಲ. ನನಗೆ ಜನ ಅಧಿಕಾರ ಕೊಡಲಿಲ್ಲ ಎಂದು ಸಾಕಷ್ಟು ಬಾರಿ ಹೆಚ್​ಡಿಕೆ ಕಣ್ಣೀರು ಹಾಕಿದ್ರು. ಇದೇ ಕಾರಣಕ್ಕಾಗಿಯೇ ಏನೋ, ಮಾಜಿ ಸಿಎಂ ಸಿದ್ದು, ಟಾಂಗ್ ಕೊಟ್ಟಿದ್ದಾರೆ.