Featured
ಡಿಕೆಶಿ ಮೇಲೆ ಸಿಬಿಐ ರೇಡ್: ನೋಟೀಸ್ ನೀಡಿ ವಿಚಾರಣೆಗೆ ಹಾಜರಾಗುವಂತೆ ಸೂಚನೆ ಸಾಧ್ಯತೆ ?
ರೈಸಿಂಗ್ ಕನ್ನಡ:
ಬೆಂಗಳೂರು:
ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ಗೆ ನೊಟೀಸ್ ನೀಡಿ ವಿಚಾರಣೆಗೆ ಹಾಜರಾಗುವಂತೆ ಸಿಬಿಐ ಸೂಚಿಸುವ ಸಾಧ್ಯತೆ ದಟ್ಟವಾಗಿದೆ.
ಸೋಮವಾರ ಬೆಳ್ಳಂ ಬೆಳಗ್ಗೆ ಕೇಂದ್ರ ತನಿಖಾ ದಳ ಸಿಬಿಐ, ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಮತ್ತು ಅವರ ಸಹೋದರ ಡಿ.ಕೆ.ಸುರೇಶ್ ಅವರ ಮನೆ ಮೇಲೆ ದಾಳಿ ನಡೆಸಿ 50 ಲಕ್ಷ ರೂ., ಚಿನ್ನಾಭರಣ ಮತ್ತು ದಾಖಲೆಗಳನ್ನ ವಶಪಡಿಸಿಕೊಂಡಿದೆ.
ಡಿಕೆಶಿ ಸಹೋದರರಿಗೆ ಸೇರಿದ ಮನೆ ಸೇರಿದಂತೆ 15 ಕಡೆ ದಾಳಿ ನಡೆದಿತ್ತು. ಬೆಂಗಳೂರಿನ ಸದಾಶಿವನಗರ ನಿವಾಸ, ರಾಮನಗರದ ಕೋಡಿಹಳ್ಳಿ ದಾಳಿ ಅಂತ್ಯವಾಗಿದೆ. ಬೇರೆಡೆ ಪರಿಶೀಲನೆ ಮುಂದುವರೆದಿದೆ.
ರಾಮನಗರದ ಡಿಕೆಶಿ ಅವರ ತಾಯಿ ಗೌರಮ್ಮನವರಿಂದ ಸಿಬಿಐ ಅಧಿಕಾರಿಗಳು ಸಹಿ ಹಾಕಿಸಿಕೊಂಡಿದ್ದಾರೆ. ಬಹುತೇಕ ದಾಳಿ ಅಂತ್ಯವಾಗಿದ್ದು ಸಿಬಿಐ ಅಧಿಕಾರಿಗಳು ದಾಖಲೆಗಳನ್ನ ಪರಿಶೀಲಿಸಲಿದ್ದಾರೆ.
ಮಹಜರು ಸಮಕ್ಷಮದಲ್ಲಿ ಎದುರೆ ಮಹಜರು ನಡೆಯಲಿದ್ದು ಡಿ.ಕೆ.ಶಿವಕುಮಾರ್ಗೆ ನೋಟೀಸ್ ಕೊಡುವ ಸಾಧ್ಯತೆ ಇದೆ.
ಡಿಕೆ ಶಿವಕುಮಾರ್ಗೆ ಬಂಧನ ಭೀತಿ ಎದುರಾಗಿದ್ದು ಆದಾಯ ಮೀರಿದ ಹಣ ಗಳಿಕೆ ಇದ್ದರೆ ಬಂಧನ ಸಾಧ್ಯತೆ ದಟ್ಟವಾಗಿದೆ. ಹೀಗಾಗಿ ಡಿಕೆಶಿ ಬಂಧನದಿಂದ ತಪ್ಪಿಸಿಕೊಳ್ಳಲು ನಿರೀಕ್ಷಣ ಜಾಮೀನು ಕೋರುವ ಸಾಧ್ಯತೆ ಇದೆ.
