Featured
ಕೊರೊನಾ ರೋಗಿಗಳ ಸಮಸ್ಯೆಗೆ ಸ್ಪಂದಿಸಿದ ಡಿಕೆ ಚಾರಿಟೇಬಲ್ ಟ್ರಸ್ಟ್: ಜನರ ಪಾಲಿಗೆ ಅನ್ನದಾತರಾದ ಡಿಕೆ ಬ್ರದರ್ಸ್
ರೈಸಿಂಗ್ ಕನ್ನಡ :
ರಾಮನಗರ :
ರೇಷ್ಮೆನಗರಿ ರಾಮನಗರ ಜಿಲ್ಲೆಯಲ್ಲಿ ಮೊದಮೊದಲು ಕ್ವಾರಂಟೈನ್ ಹಾಗೂ ಕೋವಿಡ್ ಬಂದ ರೋಗಿಗಳಿಗೆ ಸರಿಯಾಗಿ ಊಟ ನೀಡುತ್ತಿರಲ್ಲ. ಗುಣಮಟ್ಟದ ಊಟ ನೀಡುತ್ತಿಲ್ಲ ಎಂಬ ಆರೋಪಗಳು ಪ್ರತಿನಿತ್ಯ ಕೂಡ ಕೇಳಿ ಬರುತ್ತಿತ್ತು. ಈ ಸಂದರ್ಭದಲ್ಲಿ ನೆರವಿಗೆ ಬಂದವರೇ ಡಿಕೆ ಬ್ರದರ್ಸ್. 
ನಮ್ಮ ಕ್ಷೇತ್ರದ ಜನರು ಯಾವುದೇ ರೀತಿಯ ತೊಂದರೆ ಅನುಭವಿಸಬಾರದು ಎಂಬ ಉದ್ದೇಶದಿಂದ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಹಾಗೂ ಸಂಸದ ಡಿ.ಕೆ.ಸುರೇಶ್ ಜೊತೆಗೂಡಿ ಗುಣಮಟ್ಟಣ ಆಹಾರ ನೀಡಲು ಮುಂದೆ ಬಂದಿದ್ದಾರೆ. ಜಿಲ್ಲೆಯಲ್ಲಿರುವ ಕೋವಿಡ್ ರೋಗಿಗಳು ಹಾಗೂ ಕ್ವಾರಂಟೈನ್ ನಲ್ಲಿರುವ ಪ್ರತಿ ರೋಗಿಗೆ 100 ರೂಪಾಯಿಗಳ ಊಟದ ಖರ್ಚು ನೀಡುತ್ತಿದ್ದಾರೆ. ತಮ್ಮದೇ ಡಿಕೆಎಸ್ ಚಾರಿಟೇಬಲ್ ಟ್ರಸ್ಟ್ ಮೂಲಕ ಪೌಷ್ಟಿಕಾಂಶಯುಕ್ತ ಆಹಾರವನ್ನು ನೀಡುತ್ತಿದ್ದಾರೆ.
100 ರೂ ಹೆಚ್ಚುವರಿಯಾಗಿ ಟ್ರಸ್ಟ್ ಬರಿಸುತ್ತಿದೆ
ಕೋವಿಡ್ ರೋಗಿಗಳಿಗೆ ಹಾಗೂ ಕ್ವಾರಂಟೈನ್ ನಲ್ಲಿರುವವರಿಗೆ ಊಟ ತಯಾರಾಗುತ್ತಿರುವುದು ಬಿಡದಿಯ ಅರಳಾಳುಸಂದ್ರ ಗ್ರಾಮದ ಚೇತನ್ ಎಂಬುವವರ ತೋಟದ ಮನೆಯಲ್ಲಿ. ಜಿಲ್ಲಾಧಿಕಾರದಿಂದ ನೀಡುವ 60 ರೂ ಹಣದ ಜೊತೆಗೆ ಡಿಕೆಎಸ್ ಚಾರಿಟೇಬಲ್ ಟ್ರಸ್ಟ್ ಕಡೆಯಿಂದ 150 ರೂ ಹಾಕಿ ಗುಣಮಟ್ಟದ ಆಹಾರ ವಿತರಣೆ ಮಾಡಲಾಗುತ್ತಿದೆ.
ಪ್ರತಿ ನಾಲ್ಕು ತಾಲ್ಲೂಕಿಗೆ 4 ವಾಹನಗಳಲ್ಲಿ ಊಟ ಸರಬರಾಜು ಮಾಡಲಾಗುತ್ತಿದೆ. 40 ಜನರ ತಂಡ ಹಗಲು ರಾತ್ರಿ ಅಡುಗೆ ಮಾಡುವುದರಲ್ಲಿ ನಿರತರಾಗಿದ್ದಾರೆ.
ಒಟ್ಟಾರೆ ಡಿಕೆ ಸಹೋದರರು ಕೋವಿಡ್ ರೋಗಿಗಳ ಪಾಲಿಗೆ ಅನ್ನದಾತರಾಗಿದ್ದಾರೆ. ಇದೇ ರೀತಿ ರಾಜ್ಯದ ಉಳಿದ ಜನಪ್ರತಿನಿಧಿಗಳು ತಮ್ಮ ತಮ್ಮ ಕ್ಷೇತ್ರದಲ್ಲಿನ ಕೊರೋನಾ ರೋಗಿಗಳಿಗೆ ಸ್ಪಂದಿಸಬೇಕಿದೆ. ಡಿಕೆಎಸ್ ಚಾರಿಟೇಬಲ್ ಟ್ರಸ್ ಮಾಡುತ್ತಿರುವ ಸಮಾಜ ಸೇವೆ ಎಲ್ಲೆಡೆಯಿಂದ ಶ್ಲಾಘನೆ ಕೂಡ ಸಿಕ್ಕಿದೆ.
