ನಾವು ರಾಜೀನಾಮೆ ಕೊಟ್ಟಿದ್ದು ಥರ್ಡ್​​ ರೇಟ್​, ಚೀಪ್​ ರೇಟ್​​ ರಾಜಕಾರಣದ ವಿರುದ್ಧ : ಸಿದ್ದು, HDK ವಿರುದ್ಧ ವಿಶ್ವನಾಥ್ ಕೆಂಡ

ಮೈಸೂರು : ಉಪ ಚುನಾವಣೆ ಘೋಷಣೆ ಆಗ್ತಿದ್ದಂತೆ ಅನರ್ಹ ಶಾಸಕರು ಫುಲ್ ಆ್ಯಕ್ಟೀವ್ ಆಗಿದ್ದಾರೆ. ಮೈಸೂರಿನಲ್ಲಿ ದಿಢೀರ್ ಸುದ್ದಿಗೋಷ್ಠಿ ನಡೆಸಿ ಮಾತ್ನಾಡಿದ ಅನರ್ಹ ಶಾಸಕ ಹೆಚ್.ವಿಶ್ವನಾಥ್​, ನಾವು ರಾಜೀನಾಮೆ ಕೊಟ್ಟಿದ್ದು ಅಧಿಕಾರಕ್ಕಾಗಿ ಅಲ್ಲ. ರಾಜ್ಯದಲ್ಲಿ ನಡೆಯುತ್ತಿದ್ದ ರಾಕ್ಷಸ ರಾಜಕಾರಣದಿಂದ. ಥರ್ಡ್​ ರೇಟ್​​, ಚೀಪ್​ ರೇಟ್​ ರಾಜಕಾರಣದ ವಿರುದ್ಧ ನಾವು ರಾಜೀನಾಮೆ ನೀಡಿದ್ದು ಎಂದು ಆಕ್ರೋಶ ಹೊರ ಹಾಕಿದ್ದಾರೆ.

ದುಡ್ಡಿಗಾಗಿ ಮಾರಿಕೊಂಡ್ರು ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿರೋದು ಸರಿಯಲ್ಲ. ಎಂಟಿಬಿ ನಾಗರಾಜ್​​ ಪಕ್ಷದಲ್ಲಿ ಹೇಗಿದ್ದರೂ ಅನ್ನೋದು ಸಿದ್ದರಾಮಯ್ಯಗೆ ಗೊತ್ತಿದೆ. ಹಣಕ್ಕಾಗಿ ಮಾರಿಕೊಂಡ್ರು ಎನ್ನುವ ಸಿದ್ದು ಮಾತು ಸರಿಯಲ್ಲ ಎಂದು ವಿಶ್ವನಾಥ್ ಹೇಳಿದ್ರು.

ವಿಶ್ವನಾಥ್ ವಿಷ ಇಟ್ರು ಅಂತ ಯಾರೋ ಹೇಳಿದ್ರು. ಆದ್ರೆ, ಆ ಒಂದು ಕುಟುಂಬಕ್ಕೆ ವಿಷ ಹಾಕಿದ್ದು ಯಾರು..? ಆ ಕುಟುಂಬ ಇವತ್ತು ಕಣ್ಣೀರಲ್ಲಿ ಕೈ ತೊಳೆಯುವಂತಾಗಿದೆ ಎಂದು ವಿಶ್ವನಾಥ್ ಆರೋಪಿಸಿದ್ರು. ಆ ಒಂದು ಕುಟುಂಬ ಯಾವುದು ಅನ್ನೋದನ್ನ ಮಾತ್ರ ವಿಶ್ವನಾಥ್ ಹೇಳಲಿಲ್ಲ. ಇದೇ ವೇಳೆ, ಮೈಸೂರು ಪ್ರೆಸ್​ ಕ್ಲಬ್​ಗೆ ಬನ್ನಿ, ಮಾರಾಟದ ಬಗ್ಗೆ ಚರ್ಚೆ ಮಾಡೋಣ ಎಂದು ಸಾ.ರಾ. ಮಹೇಶ್​ಗೆ ವಿಶ್ವನಾಥ್ ಸವಾಲು ಹಾಕಿದ್ರು.

ಉಪಚುನಾವಣೆ ಘೋಷಣೆ ಆಗಿರೋದ್ರಿಂದ ಆತಂಕ ಪಡುವ ಅಗತ್ಯವಿಲ್ಲ. ಸುಪ್ರೀಂಕೋರ್ಟ್​​​ ನಮಗೆ ನ್ಯಾಯ ನೀಡುವ ಭರವಸೆ ಇದೆ, ಹೀಗಾಗಿ ಆತಂಕ, ಹೆದರುವ ಅಗತ್ಯವಿಲ್ಲ ಎಂದು ವಿಶ್ವನಾಥ್ ಹೇಳಿದ್ರು.