ಅನರ್ಹರಿಗೆ ಸುಪ್ರೀಂಕೋರ್ಟ್​ ಶಾಕ್​ : ಎಲೆಕ್ಷನ್​ಗೆ ನಿಲ್ಲೋಕೆ ಆಗಲ್ವಾ..?

ನವದೆಹಲಿ/ಬೆಂಗಳೂರು : ಈ ಮೊದಲೇ ಹೇಳಿದಂತೆ 17 ಅನರ್ಹ ಶಾಸಕರ ಸ್ಥಿತಿ ಡೋಲಾಯಮಾನವಾಗೋ ಎಲ್ಲಾ ಲಕ್ಷಣಗಳು ಕಾಣ್ತಿವೆ. ಯಾಕಂದ್ರೆ, ಡಿಸೆಂಬರ್​ನಲ್ಲಿ ಕರ್ನಾಟಕದಲ್ಲಿ 17 ಕ್ಷೇತ್ರಗಳಿಗೆ ಬೈ ಎಲೆಕ್ಷನ್​ ಇದೆ. ಈ ಉಪ ಚುನಾವಣೆಗೆ ತಡೆ ನೀಡುವಂತೆ ಅನರ್ಹರು ಸಲ್ಲಿಸಿದ್ದ ಅರ್ಜಿಗೆ ಸುಪ್ರೀಂಕೋರ್ಟ್​ ಕ್ಯಾರೆ ಎಂದಿಲ್ಲ. ಚುನಾವಣೆಗೆ ತಡೆ ನೀಡುವಂತೆ ನಿರ್ದೇಶನ ನೀಡಲು ಸುಪ್ರೀಂಕೋರ್ಟ್​ ನಿರಾಕರಿಸಿದೆ.

ಚುನಾವಣೆಗೆ ತಡೆ ನೀಡಲು ನಿರ್ದೇಶನ ನೀಡಲು ಸುಪ್ರೀಂಕೋರ್ಟ್​​ ನಿರಾಕರಿಸಿರೋದ್ರಿಂದ ಅನರ್ಹರಿಗೆ ಈಗ ಢವ ಢವ ಶುರುವಾಗಿದೆ. ಅಲ್ಲದೆ, ಮುಂದಿನ ನಾಲ್ಕು ದಿನ ಸುಪ್ರೀಂಕೋರ್ಟ್​ ರಜೆ ಇದೆ. ಅನರ್ಹರ ಅರ್ಜಿ ವಿಚಾರಣೆ ಮತ್ತೆ ಬುಧವಾರ ಬರಲಿದೆ. ಅಲ್ಲಿವರೆಗೆ ಮುಂದೇನು ಅನ್ನೋದು ಗೊತ್ತಿಲ್ಲ. ಇದರ ಜೊತೆ ಇದೇ ತಿಂಗಳ 17ರೊಳಗೆ ಅಯೋಧ್ಯೆ ತೀರ್ಪು ಬರಲಿದೆ. ಹೀಗಾಗಿ, ಅಯೋಧ್ಯೆ ತೀರ್ಪಿನ ಮುಂದೆ ಅನರ್ಹರ ಪ್ರಕರಣ ತುಂಬಾ ಚಿಕ್ಕದಾಗಿ ಕಾಣುತ್ತೆ.

ಈ ಮಧ್ಯೆ, ಮುಂದಿನ ವಾರದಿಂದ ನಾಮಿನೇಷನ್​ ಪ್ರಕ್ರಿಯೆ ಶುರುವಾಗಲಿದ್ದು, ನಾಮಿನೇಷನ್ ಹಾಕಬೇಕೋ..? ಬೇಡ್ವೋ..? ಚುನಾವಣೆಗೆ ನಿಲ್ಲಬಹುದೋ..? ಇಲ್ಲವೋ ಅನ್ನೋ ಗೊಂದಲದಲ್ಲೇ ಅನರ್ಹರು ಕಾಲ ಕಳೆಯುವಂತಾಗಿದೆ.