ಅನರ್ಹರಿಗೆ ಎಲ್ಲರಿಗೂ ಸಚಿವ ಸ್ಥಾನ : ಯಡಿಯೂರಪ್ಪ ಘೋಷಣೆ

ಬೆಂಗಳೂರು : ಅನರ್ಹಗೊಂಡಿರೋ ಎಲ್ಲಾ ಶಾಸಕರಿಗೂ ಸಚಿವ ಸ್ಥಾನ ನೀಡೋದಾಗಿ ಪರೋಕ್ಷವಾಗಿ ಸಿಎಂ ಯಡಿಯೂರಪ್ಪ ಘೋಷಣೆ ಮಾಡಿದ್ದಾರೆ. ಅನರ್ಹರು ಪಕ್ಷ ಸೇರ್ಪಡೆಯಾದ ವೇಳೆ ಮಾತ್ನಾಡಿದ ಯಡಿಯೂರಪ್ಪ, ಮಾಜಿ ಶಾಸಕರು, ಭಾವಿ ಶಾಸಕರು ಹಾಗೂ ಭಾವಿ ಸಚಿವರು ಇವರು ಎಂದ್ರು. ಅಲ್ಲದೆ, ಎಲ್ಲರಿಗೂ ಸಚಿವ ಸ್ಥಾನ ಸಿಗಲಿದೆ ಎಂದು ಸಿಎಂ ಯಡಿಯೂರಪ್ಪ ಘೋಷಣೆ ಮಾಡಿದ್ರು.

ಇದೇ ವೇಳೆ, ನಮ್ಮ ಕಾರ್ಯಕರ್ತರು ಅವರ ಕಾರ್ಯಕರ್ತರ ಜೊತೆ ಹೊಂದಾಣಿಕೆ ಇರಬೇಕು. ಅವರನ್ನ ಒಳಗೊಂಡು ಚುನಾವಣೆ ಮಾಡಬೇಕು. ಕೆಲವರು ನನ್ನ ಮುಂದೆ ಆತಂಕ ವ್ಯಕ್ತಪಡಿಸಿದರು. ನಾವು ಬಿಜೆಪಿಗೆ ಹೊಸಬರು, ನಮಗೆ ಕಾರ್ಯಕರ್ತರು ಗೊತ್ತಿಲ್ಲ. ಹೇಗೆ ಚುನಾವಣೆ ಎದುರಿಸಬೇಕು ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ. ಆದರೆ ನಾವೆಲ್ಲ ಒಗ್ಗಟ್ಟಾಗಿ ಚುನಾವಣೆ ಮಾಡಬೇಕಿದೆ ಎಂದು ಕಾರ್ಯಕರ್ತರಿಗೆ ಯಡಿಯೂರಪ್ಪ ಕರೆ ನೀಡಿದ್ರು.

ಒಟ್ಟಿನಲ್ಲಿ ಸುಪ್ರೀಂಕೋರ್ಟ್​ ತೀರ್ಪಿನ ಬಳಿಕ ಯಡಿಯೂರಪ್ಪ ಮತ್ತಷ್ಟು ಆಕ್ಟೀವ್​ ಆಗಿದ್ದಾರೆ. ಚುನಾವಣೆ ಬಳಿಕ ಮತ್ತಷ್ಟು ಆಕ್ಟೀವ್​ ಆಗೋ ರೀತಿ ಕಾಣ್ತಿದ್ದಾರೆ.