ಅನರ್ಹ ಶಾಸಕರಿಗೆ ರಿಲೀಫ್​ ಸಿಗುತ್ತಾ..? ನಾಳೆ ಸುಪ್ರೀಂಕೋರ್ಟ್​ನಲ್ಲಿ ವಿಚಾರಣೆ ಆಗುತ್ತಾ..?

 ನವದೆಹಲಿ : 17 ಅರ್ನಹ ಶಾಸಕರ ರಾಜಕೀಯ ಮುಂದೇನು ಅನ್ನೋದಕ್ಕೆ ನಾಳೆ ಬಹುಶಃ ಉತ್ತರ ಸಿಗುವ ನಿರೀಕ್ಷೆ ಇದೆ. ಇಷ್ಟು ದಿನ ಸುಪ್ರೀಂಕೋರ್ಟ್​ ಈ ಪ್ರಕರಣವನ್ನ ವಿಚಾರಣೆಗೆ ತೆಗೆದುಕೊಂಡಿಲ್ಲ. ಇದೇ ಮೊದಲ ಬಾರಿಗೆ ನಾಳೆ, ಸುಪ್ರೀಂಕೋರ್ಟ್​​ ಅನರ್ಹ ಶಾಸಕರ ಪ್ರಕರಣವನ್ನ ಕೈಗೆತ್ತಿಕೊಳ್ಳುವ ಸಾಧ್ಯತೆ ಇದೆ.

ಸುಪ್ರೀಂಕೋರ್ಟ್​​ ಲಿಸ್ಟ್​ನಲ್ಲಿ, ಅನರ್ಹ ಶಾಸಕರ ಪ್ರಕರಣವನ್ನ ನಾಳೆ ಕೈಗೆತ್ತಿಕೊಳ್ಳಬಹುದು ಎಂದು ಬರೆಯಲಾಗಿದೆ. ಮೊದಲು ರಮೇಶ್​ ಜಾರಕಿಹೊಳಿ ಸಲ್ಲಿದ್ದ ಅರ್ಜಿ ಕೈಗೆತ್ತಿಕೊಳ್ಳಬಹುದು. 17 ಶಾಸಕರ ಅನರ್ಹ ಪ್ರಕರಣ ಸಾಕಷ್ಟು ಕುತೂಹಲ ಕೆರಳಿಸಿದ್ದು, ದೇಶದ ರಾಜಕೀಯ ಇತಿಹಾಸದಲ್ಲೇ ಹೊಸ ತಿರುವಿಗೆ ಈ ಪ್ರಕರಣ ಕಾರಣವಾಗಲಿದೆ ಎನ್ನಲಾಗಿದೆ.

ಪಕ್ಷ ವಿರೋಧಿ ಚಟುವಟಿಕೆ ಅನ್ವಯ ಜೆಡಿಎಸ್​ನ ಮೂವರು, ಕಾಂಗ್ರೆಸ್​ 14 ಶಾಸಕರನ್ನ ಶಾಸರನ್ನ ಅನರ್ಹ ಮಾಡಿ ಆಗಿನ ಸ್ಪೀಕರ್​ ರಮೇಶ್​ ಕುಮಾರ್ ಆದೇಶ ಹೊರಡಿಸಿದ್ರು. ಸ್ಪೀಕರ್​ ಆದೇಶದ ವಿರುದ್ಧ ಅನರ್ಹ ಶಾಸಕರು ಸುಪ್ರೀಂಕೋರ್ಟ್​ ಮೆಟ್ಟಿಲೇರಿದ್ದರು.