ಅನರ್ಹ ಶಾಸಕರಿಗೆ ಸೋಮವಾರದವರೆಗೆ ಢವಢವ : ವಿಚಾರವಣೆಯಿಂದ ನ್ಯಾಯಮೂರ್ತಿ ಹಿಂದೆ ಸರಿದಿದ್ದು ಯಾಕೆ..?

ನವದೆಹಲಿ : 17 ಅನರ್ಹ ಶಾಸಕರಿಗೆ ಸದ್ಯಕ್ಕೆ ರಿಲೀಫ್​ ಸಿಗೋ ಲಕ್ಷಣಗಳು ಕಾಣ್ತಿಲ್ಲ. ಇವತ್ತು ಸುಪ್ರೀಂಕೋರ್ಟ್​ನಲ್ಲಿ ಅರ್ನಹ ಶಾಸಕರ ಪ್ರಕರಣ ವಿಚಾರಣೆ ನಡೆಯಬೇಕಿತ್ತು. ಆದ್ರೆ, ನ್ಯಾಯ ಪೀಠದಲ್ಲಿದ್ದ ನ್ಯಾಯಮೂರ್ತಿ ಶಾಂತನಗೌಡರ್​, ಪ್ರಕರಣದ ವಿಚಾರಣೆಯಿಂದ ಹಿಂದೆ ಸರಿದ್ರು. ಇದರಿಂದಾಗಿ ಪ್ರಕರಣದ ವಿಚಾರಣೆ ಸೋಮವಾರಕ್ಕೆ ಮುಂದೂಡಿಕೆ ಆಯ್ತು.

ನ್ಯಾಯಮೂರ್ತಿ ಶಾಂತನಗೌಡರ್ ಕರ್ನಾಟಕ ಮೂಲದವರು. ಪೂರ್ಣ ಹೆಸರು ಮೋಹನ್ ಶಾಂತನಗೌಡರ್. ಕರ್ನಾಟಕದ ಹಾವೇರಿ ಜಿಲ್ಲೆಯವರು. ಇನ್ನೂ ಪ್ರಮುಖವಾದ ವಿಚಾರ ಅಂದ್ರೆ, ಅನರ್ಹ ಶಾಸಕರಾಗಿರೋ ಬಿ.ಸಿ. ಪಾಟೀಲ್​ ಸಂಬಂಧ. ಹೀಗಾಗಿ, ಈ ಪ್ರಕರಣವನ್ನ ವಿಚಾರಣೆ ನಡೆಸುವುದು ಸರಿಯಲ್ಲ ಎಂದ, ನ್ಯಾಯಮೂರ್ತಿ ಶಾಂತನಗೌಡರ್, ಹಿಂದೆ ಸರಿದರು.

ಈಗ ನ್ಯಾಯಮೂರ್ತಿ ಶಾಂತನಗೌಡರ್​, ಪ್ರಕರಣದಿಂದ ಹಿಂದೆ ಸರಿದಿರೋದ್ರಿಂದ ಅನರ್ಹ ಶಾಸಕರ ಪ್ರಕರಣ ಹೊಸ ಪೀಠದಲ್ಲಿ ವಿಚಾರಣೆಗೆ ಬರುವ ಸಾಧ್ಯತೆ ಇದೆ. ಒಟ್ಟಿನಲ್ಲಿ, 17 ಅನರ್ಹ ಶಾಸಕರ ರಾಜಕೀಯ ಪರಿಸ್ಥಿತಿ ಡೋಲಾಯಮಾನವಾಗಿದೆ. ಏನಾಗುತ್ತೋ ಏನೋ ಅನ್ನೋ ರೀತಿಯಲ್ಲಿ ಅನರ್ಹರು ಚಿಂತೆಗೀಡಾಗಿದ್ದಾರೆ. ಸೋಮವಾರದವರೆಗೆ ಮತ್ತಷ್ಟು ಟೆನ್ಷನ್​​ನಲ್ಲೇ ಇರಬೇಕಿದೆ.