ಪೆಟ್ರೋಲ್‌ಗಿಂತ ಡೀಸೆಲ್ ಬೆಲ ಹೆಚ್ಚು..! ಇತಿಹಾಸದಲ್ಲಿ ಇದೇ ಮೊದಲು..!

ರೈಸಿಂಗ್ ಕನ್ನಡ :

ನವದೆಹಲಿ :

ಸತತ 18 ದಿನಗಳಿಂದ ತೈಲೋತ್ಪನ್ನಗಳ ಬೆಲೆಯಲ್ಲಿ ಏರಿಕೆಯಾಗಿದ್ದರಿಂದ, ಇದೇ ಮೊದಲ ಬಾರಿಗೆ ದೆಹಲಿಯಲ್ಲಿ ಡೀಸೆಲ್ ಬೆಲೆ ಪೆಟ್ರೋಲ್‌ಗಿಂದ ಹೆಚ್ಚಾಗಿದೆ. ದೆಹಲಿಯಲ್ಲಿ ಡೀಸೆಲ್ ದರ ಪ್ರತಿ ಲೀಟರ್‌ಗೆ 79.88 ರೂಪಾಯಿ ಇದ್ದರೆ, ಪೆಟ್ರೋಲ್‌ ದರ 79.76 ದಾಖಲಾಗಿದೆ.  ಸ್ಥಳೀಯ ವ್ಯಾಟ್ ಆಧರಿಸಿ, ಈ ದರವು ರಾಜ್ಯದಿಂದ ರಾಜ್ಯಕ್ಕೆ ವ್ಯತ್ಯಾಸವಾಗಿದೆ.

ದೆಹಲಿ ಸರ್ಕಾರ ಲೋಕಲ್‌ ಟ್ಯಾಕ್ಸ್‌ ಅಥವಾ ವ್ಯಾಟ್‌ ಅನ್ನು ಕಳೆದ ತಿಂಗಳಷ್ಟೇ ಪರಿಷ್ಕರಿಸಿದ್ದರಿಂದ ರಾಜಧಾನಿಯಲ್ಲಿ ಮಾತ್ರ ಡೀಸೆಲ್ ದರ ಪೆಟ್ರೋಲ್‌ಗಿಂತ ತುಟ್ಟಿಯಾಗಿದೆ. ಡೀಸೆಲ್ ಮೇಲಿನ ತೆರಿಗೆಯನ್ನು ಶೇ 16.75ರಿಂದ ಶೇ 30ಕ್ಕೆ ಹಾಗು ಪೆಟ್ರೋಲ್ ಮೇಲಿನ ವ್ಯಾಟ್ ಅನ್ನು ಶೇ 27 ರಿಂದ ಶೇ 30ಕ್ಕೆ ಹೆಚ್ಚಿಸಲಾಗಿತ್ತು.

ಬೆಂಗಳೂರಿನಲ್ಲಿ ಪೆಟ್ರೋಲ್ ದರ 82 ರೂಪಾಯಿ 35 ಪೈಸೆ ಇದ್ದರೆ, ಡೀಸೆಲ್ ದರ 75 ರೂಪಾಯಿ 96 ಪೈಸೆ ಇದೆ.