Uncategorized
ಧೋನಿಗೆ ವಯಸ್ಸಾಗೋದೆ ಇಲ್ಲ – ಇನ್ನೂ ನಿವೃತ್ತಿ ಮಾತೇಕೆ – ಮಾಹಿಯನ್ನ ಶ್ಲಾಘಿಸಿದ ಆಸಿಸ್ ಕ್ರಿಕೆಟಿಗ..!
ರೈಸಿಂಗ್ ಕನ್ನಡ :
ಸ್ಪೋರ್ಟ್ಸ್ ಡೆಸ್ಕ್ :
2022ರ ಸೀಸನ್‌ವರೆಗೂ ಧೋನಿ ಐಪಿಎಲ್‌ ಆಡಲಿದ್ದಾರೆ ಅಂತ ಸಿಎಸ್‌ಕೆ ಸಿಇಓ ಕಾಶಿ ವಿಶ್ವನಾಥ್‌ ಹೇಳಿದ ಬೆನ್ನಲ್ಲೇ, ಆಸ್ಟ್ರೇಲಿಯಾ ತಂಡದ ಮಾಜಿ ಆಟಗಾರ ಶೇನ್ ವ್ಯಾಟ್ಸನ್ ಅವರು ಸಿಎಸ್‌ಕೆ ನಾಯಕನ ಬಗ್ಗೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಎಂಎಸ್‌ ಧೋನಿ ಕ್ರಿಕೆಟ್ ಆಡುವುದನ್ನು ಇಷ್ಟಪಡುತ್ತಾರೆ ಹಾಗೂ ಅವರು ಎವರ್‌ಗ್ರೀನ್‌ ಕ್ರಿಕೆಟಿಗರಾಗಿದ್ದು, ವಯಸ್ಸು ಅವರಿಗೆ ಮುಖ್ಯವಲ್ಲ ಎಂದು ಹೇಳಿದ್ದಾರೆ.
ಶೇನ್ ವ್ಯಾಟ್ಸನ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಈಗಾಗಲೇ ವಿದಾಯ ಹೇಳಿದ್ದು, ವಿಶ್ವದಾದ್ಯಂತ ಫ್ರಾಂಚೈಸಿ ಲೀಗ್‌ ಆಡುತ್ತಿದ್ದಾರೆ. ಯುಎಇಯಲ್ಲಿ ನಡೆಯುವ 13ನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ವ್ಯಾಟ್ಸನ್, ಚೆನ್ನೈ ಸೂಪರ್‌ ಕಿಂಗ್ಸ್ ತಂಡದಲ್ಲಿ ಎಂ.ಎಸ್‌ ಧೋನಿ ಅವರೊಂದಿಗೆ ಡ್ರೆಸ್ಸಿಂಗ್‌ ರೂಮ್ ಶೇರ್‌ ಮಾಡಲಿದ್ದಾರೆ.
ಎಂ.ಎಸ್‌ ಧೋನಿ ಫಿಟ್ ಅಂಡ್ ಫೈನ್ ಆಗಿದ್ದಾರೆ. ಅವರ ಕೂಲ್ ಕೂಲ್ ನೇಚರ್ ಅವರ ವಯಸ್ಸನ್ನ ಮರೆಮಾಚುತ್ತಿದೆ. ಅವರು 40ರ ವಯಸ್ಸಿನಲ್ಲೂ ನಿರಾಯಾಸಾಗಿ ಕ್ರಿಕೆಟ್ ಆಡಬಲ್ಲರು ಎಂದು ಶೇನ್ ವ್ಯಾಟ್ಸನ್ ಅಭಿಪ್ರಾಯಪಟ್ಟಿದ್ದಾರೆ.
